បរទេស៖ កាលជាង ៨ម៉ោងមុននេះ នៅលើបណ្តាញសង្គម Instagram របស់តារាចម្រៀងដ៏មានឥទ្ធិពល Justin Bieber ទើបតែបានបង្ហាញរូបថតក្នុងថ្ងៃរៀបពិធីមង្គលការរបស់ពួកគេ ដើម្បីរំលឹកក្នុងឱកាសគម្រប់ខួបរយៈពេល ១ឆ្នាំ ដែលគេទាំងពីរបានចាប់ដៃគ្នាសាងជីវិតគ្រួសារមួយយ៉ាងមានសុភមង្គល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយរូបភាពជាច្រើនសន្លឹកទាំងនោះផងដែរ ក្រៅពីបានបង្ហាញពីកាយវិការស្វីតៗហើយនោះ តារាចម្រៀងប្រុសរូបនេះ ថែមទាំងបានបង្ហាញអារម្មណ៍របស់ខ្លួនជាច្រើនស្ដាប់ហើយចង់លើសជាតិស្ករថែមទៀតផង។ ដោយលោកបានសរសេររៀបរាប់ថា៖
Hailey Bieber ! ខ្ញុំពិតជាមានសំណាងណាស់ដែលបានធ្វើជាប្តីរបស់អ្នក! អ្នកបង្រៀនខ្ញុំច្រើនណាស់រាល់ថ្ងៃ ហើយវាបានធ្វើឲ្យខ្ញុំក្លាយជាបុរសល្អជាងមុនឆ្ងាយ! ខ្ញុំប្ដេជ្ញា នឹងធ្វើឲ្យអ្នក សម្រេចក្តីសុបិនដែលអ្នកចង់បាន! ខ្ញុំសន្យាថានឹងមើលថែការពារអ្នកជានិច្ច ដោយការអត់ធ្មត់និងភាពស្មោះត្រង់ !! រីករាយខួបអនុស្សាវរីយ៍ថ្ងៃអាពាហ៍ពិពាហ៍ស្រីស្រស់ស្អាតរបស់បង។
ស្របគ្នានេះ ប្រពន្ធរបស់តារាប្រុសរូបនេះក៏បានបង្ហោះរូបភាព និងពាក្យពេចន៍ផ្អែមល្ហែមជាច្រើនផងដែរ ដែលនេះអាចបង្ហាញថា ទោះបីជាកាលពីអតីតកាល តារាប្រុស Justin Bieber ធ្លាប់ជាព្រាននារីយ៉ាងណាក៏ដោយ ប៉ុន្តែពេលបានរៀបការជាមួយនឹង Hailey លោកបានកែប្រែច្រើនពីមួយថ្ងៃទៅមួយថ្ងៃ ពិសេសលោកប្ដូរមកចេះស្រលាញ់ថ្នាក់ថ្នមប្រពន្ធ និងរស់នៅជាមួយគ្នាយ៉ាងមានក្ដីសុខមិនចាញ់ស្នេហាអ្នកដទៃឡើយ៕
ទស្សនារូបភាពខាងក្រោម៖
Bong I.T