ក្រុមអវកាសយានិកកំពុងស្លន់ស្លោ និងបន្តស្វែងរក កន្លែងធ្លាយខ្យល់ នៅលើស្ថានីយអវកាសអន្តរជាតិ

បរទេស៖ ក្រុមអវកាសយានិកត្រូវបានគេដាស់ឲ្យភ្ញាក់ នៅពេលយប់ ដើម្បីបន្តស្វែងរកការលេចធ្លាយខ្យល់ នៅស្ថានីយអវកាសអន្តរជាតិ (ISS)។ សមាជិកនាវិកបាននិងកំពុងតាមប្រមាញ់ប្រភពនៃបញ្ហានេះ អស់រយៈពេលជាច្រើនសប្តាហ៍។ ប៉ុន្តែការស្វែងរកត្រូវបានខិតខំព្យាយាម នៅពេលទំហំនៃការលេចធ្លាយកាន់តែរីកធំ នៅថ្ងៃចន្ទ។

បញ្ហានេះបានកើតឡើង ដែលបណ្ដាលមកពីការផ្លាស់ប្ដូរសីតុណ្ហភាពនៅលើស្ថានីយ ISS នេះ។ ការវិភាគដោយក្រុមនៅលើផែនដីបានតាមដាន ការលេចធ្លាយដល់តំបន់ការងារសំខាន់ នៅខាងក្នុងម៉ូឌុលរបស់រុស្ស៊ី ហៅថា Zvezda។ ម៉ូឌុលនេះមានឧបករណ៍ទ្រទ្រង់ជីវិតសម្រាប់ស្ថានីយអវកាស ហើយក៏មានកន្លែងស្នាក់នៅសម្រាប់សមាជិកនាវិកពីរនាក់ផងដែរ។

ការវិភាគបន្ថែមទៀតនឹងចាំបាច់ ដើម្បីចង្អុលបង្ហាញតំបន់ច្បាស់លាស់ ពីខ្យល់ដែលបានធ្លាយចេញ។ ណាសាបានសង្កត់ធ្ងន់ថា វាមិនបង្កគ្រោះថ្នាក់អ្វីដល់ក្រុមនាវិក ក្នុងអត្រាលេចធ្លាយនាពេលបច្ចុប្បនេះទេ ហើយវាគ្រាន់តែមានគម្លាតបន្តិចបន្តួច ចំពោះការងារដែលនាវិកកំពុងបន្ត។

ក្រុមនាវិកបានប្រើឧបករណ៍ចាប់សញ្ញាការលេចធ្លាយអាល់ត្រាសូនិក ដើម្បីប្រមូលទិន្នន័យ។ វាជាលើកទី៣ហើយ ក្នុងរយៈពេលជាងមួយខែ ដែលក្រុមនាវិកត្រូវបំបែកគ្នា នៅតំបន់ផ្នែករុស្ស៊ី ក្នុងគោលបំណងស្វែងរកការលេចធ្លាយ ដែលកំពុងរីកធំ៕