មួយគ្រាប់របស់ Vinicius Junior ជួយឲ្យ R. Madrid រកបាន៣ពិន្ទុបន្ថែមយប់មិញ (មានវីដេអូ)

អេស៉្បាញ៖ ក្លិប Real Madrid រកបាន៣ពិន្ទុបន្ថែម នៅក្នុងការប្រកួតទី៣របស់ខ្លួននៅ La Liga រដូវកាលថ្មីនេះក្រោយយកឈ្នះ Real Sociedad ដោយលទ្ធផល១ទល់នឹង០។ គួរបញ្ជាក់ដែរថានៅក្នុង៣ប្រកួតកន្លងមកនេះក្លិបលោក Zinedine Zidane រកបាន៧ពិន្ទុ ពោលគឺឈ្នះ២ប្រកួតនិងស្មើមួយ។ 

ដោយឡែកនៅក្នុងការប្រកួតយប់មិញនេះដែរខ្សែប្រយុទ្ធវ័យក្មេង Vinicius Junior ជាអ្នកស៊ុតបានមួយគ្រាប់យក៣ពិន្ទុឲ្យ Real Madrid ក្រោយដូរចូលជំនួសកីឡាករ Luka Jović ​នៅក្នុងតង់ទី២។ ហើយសម្រាប់ស្ថិតិនៃការស៊ុតរបស់ក្លិបទាំង២វិញ គឺ Real Madrid ស៊ុតបានសរុប១៥ជើង ចំគោលដៅ៥លើក ចំណែកឯ Real Sociedad វិញស៊ុតបាន១១ជើង ចំគោលដៅបាន៥លើកដូចគ្នា៕ 

ប្រភព៖ bbc