បរទេស៖ យោងតាមប្រភពព័ត៌មាន Variety បានរាយការណ៍មកថា ក្រុមហ៊ុន Disney បានសម្រេចចិត្តបញ្ឈប់បុគ្គលិកចំនួន ២៨,០០០ នាក់។ ពួកគេភាគច្រើនជាមនុស្សដែលធ្វើការនៅសួនកម្សាន្តDisney ក្នុងរដ្ឋ Florida និង រដ្ឋ Californiaសហរដ្ឋអាមេរិក ដោយក្នុងនោះប្រមាណ ៦៧% នៃចំនួនបុគ្គលិកដែលត្រូវបានកាត់បន្ថយគឺជាបុគ្គលិកក្រៅម៉ោង។

ដោយឡែកប្រធានឧទ្យាន Disney Park លោក Josh D'Amaro បានបញ្ជាក់ថា វាជារឿងគួរឱ្យសោកស្តាយដែលត្រូវធ្វើការសម្រេចចិត្តបែបនេះ។ នេះគឺជារឿងតែមួយគត់ដែលក្រុមហ៊ុនអាចធ្វើបាន នៅពេលដែលការរីករាលដាល កូវីដ១៩ នៅតែបន្តកើតមាន និងជះឥទ្ធិពលអាក្រក់ដល់អាជីវកម្មរបស់ពួកគេ ដោយសង្ឃឹមថា Disney អាចនឹងល្អប្រសើរ នៅពេលដែលអ្វីៗត្រលប់មកសភាពដើមវិញ។

គួរបញ្ជាក់ផងដែរថា ក្នុងរយៈពេលប្រាំមួយខែកន្លងមកនេះក្រុមហ៊ុន Disney បានរក្សាទុកបុគ្គលិករាប់ម៉ឺននាក់សម្រាប់ផ្នែកឧទ្យានដោយធានានូវអត្ថប្រយោជន៍សុខភាពពេញលេញសម្រាប់ពួកគេ ខណៈពេលដែល មុនពេលការរីករាលដាលនៃ កូវីដ១៩ បានផ្ទុះឡើងមនុស្សជាង ១១ ម៉ឺននាក់បានធ្វើការនៅសួន Disney នៅរដ្ឋ California និង Florida

យ៉ាងណាមិញ ការកាត់បន្ថយនេះនឹងធ្វើឱ្យចំនួននេះធ្លាក់ចុះដល់ប្រហែល ៨២.០០០ នាក់។ ប្រធានក្រុមហ៊ុន Disney Park ជឿជាក់ថានិយោជិក គឺជាកូនសោរសម្រាប់អាជីវកម្មរបស់ពួកគេ ដែលទទួលបានជោគជ័យ ហេតុដូច្នេះក្រុមហ៊ុនបានសន្យាថា នឹងព្យាយាមធ្វើឱ្យវាត្រលប់មកសភាពដើម ដើម្បីឲ្យបុគ្គលិករបស់ពួកគេចូលធ្វើការវិញ៕

សូមទស្សនារូបខាងក្រោម៖

  សួនកម្សាន្តDisney
  សួនកម្សាន្តDisney
  សួនកម្សាន្តDisney
  សួនកម្សាន្តDisney

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]