ចិន៖ ទោះជាមានស្វាមី និងកូនមួយរួចទៅហើយ តែតារាសម្ដែងស្រីក្នុងលំដាប់ជួរមុខ Angela Baby នៅតែជាទីចាប់អារម្មណ៍ពីហ្វេនៗគ្រប់ៗគ្នា ជាមួយនឹងរូបសម្រស់ស្រស់ស្អាតវ័យក្មេង ថែមទាំងមានការលេងខ្លួនក្នុងស្ទាយ៍ដ៏ទាក់ទាញជាច្រើន ក្នុងពេលបង្ហាញខ្លួនម្ដងៗទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ថ្មីៗនេះ តារាស្រី Angela Baby មិនបានធ្វើឲ្យបណ្ដាហ្វេនៗទាំងនោះខកបំណងឡើយ ជាមួយនឹងការបង្ហាញខ្លួនសារជាថ្មី ដែលបានក្លាយជាប្រធានបទដ៏ភ្ញាក់ផ្អើលនៅលើបណ្តាញសង្គមចិន បន្ទាប់ពីមានការលេចចេញនូវរូបភាពដ៏ស្រស់សោភា ព្រមជាមួយនឹង ទឹកមុខល្អឥតខ្ចោះ ក្នុងឈុតសម្លៀកបំពាក់ដែលមានការរចនាដ៏ភ្លឺចែងចាំង ជួយឲ្យសម្រស់របស់នាង កាន់តែមានមន្តស្នេហ៍ខ្លាំងឡើង។
ម៉្យាងវិញទៀត ទន្ទឹមនឹងរូបភាពដ៏លេចធ្លោរបស់នាងបែបនេះ ក៏ត្រូវបានអ្នកលេងបណ្ដាញសង្គមបានផ្តល់ការសរសើរយ៉ាងខ្លាំង ពីសម្រស់ល្អឥតខ្ចោះយ៉ាងពិតប្រាកដ ក្នុងពេលដែលស្ទើរតែគ្មាន សិស្សប្អូបស្រករក្រោយ អាចវ៉ាដាច់ សម្រស់របស់ តារាស្រីរូបនេះបានទេ៕
សូមទស្សនារូបភាពខាងក្រោម៖