មិនញញើត! ពលរដ្ឋចិនរាប់ពាន់នាក់ ប្រជ្រៀតគ្នាឡើងឡានក្រុងដើម្បីធ្វើដំណើរកម្សាន្ត ទាំងដែលប្រទេសកំពុងប្រយុទ្ធនឹងជំងឺកូវីដ-១៩ (មានវីដេអូ)

ចិន៖ កាលពីថ្ងៃពុធទី៣០ ខែកញ្ញាម្សិលមិញនេះ ពលរដ្ឋចិនរាប់ពាន់នាក់ នៅទីក្រុង Hefei ភាគខាងកើតប្រទេសចិន បានប្រជ្រៀតគ្នារង់ចាំចូលអគារស្ថានីយឡានក្រុងដើម្បីធ្វើដំណើរកម្សាន្តសម្រាប់ថ្ងៃឈប់សម្រាកបុណ្យជាតិប្រចាំឆ្នាំចំនួន៨ថ្ងៃ ដែលរាប់ចាប់ពីថ្ងៃនេះតទៅ ខណៈពេលប្រទេសកំពុងអនុវត្តវិធានការរក្សាគម្លាតឆ្ងាយពីសង្គម ដើម្បីទប់ស្កាត់ពីជំងឺកូវីដ-១៩។

ហើយនៅតាមបណ្ដាផ្លូវនានា ក៏ដូចជាស្ថានីយរថភ្លើងក្នុងទីក្រុងផ្សេងទៀត ក៏បានបង្ហាញឲ្យឃើញពីទិដ្ឋភាពកកស្ទះចរាចរណ៍តាមផ្លូវជាច្រើនម៉ោង និងពលរដ្ឋប្រជ្រៀតរង់ចាំចេញដំណើរផងដែរ។

ទន្ទឹមនឹងនេះដែរ ខាងក្រុមហ៊ុនដំណើរកម្សាន្ត Ctrip បានប៉ាន់ស្មានថា កំឡុងពេលឈប់សម្រាកចំនួន៨ថ្ងៃនេះ ពលរដ្ឋប្រមាណជាង៦០០លាននាក់ នឹងធ្វើដំណើរកម្សាន្ត។ ហើយប្រតិបត្តិករផ្លូវដែកវិញ ក៏បាននិយាយដែរថា ខ្លួននឹងអាចដឹកអ្នកដំណើរបានចំនួន១០៨លាននាក់ឯណោះ។

យ៉ាងណាមិញ កាលដែលពលរដ្ឋមិនគោរពតាមវិធានការរក្សាគម្លាតឆ្ងាយពីសង្គមបែបនេះ  អាចនឹងធ្វើឲ្យមានករណីឆ្លងថ្មីជាច្រើនកើតឡើង ដែលបានបង្កឲ្យមានភាពភ័យខ្លាច និងព្រួយបារម្ភយ៉ាងខ្លាំងដល់រដ្ឋាភិបាល៕

សូមទស្សនារូបភាពនិងវីដេអូខាងក្រោម៖