Man City កំពុងអន្ទងចង់បានកីឡាករឆ្នើមពីក្រុមខ្លាំង FC Bayern Munich និង Ajax

តាមរបាយការណ៍ពី Dailymail លោក Pep Guardiola គ្រូបង្វឹករបស់ក្រុម Manchester City ចង់បន្ថែមខ្សែការពារឆ្វេងដល់ក្រុមរបស់លោកនៅរដូវក្តៅនេះ ព្រោះតែនៅមានចន្លោះប្រហោងនៅតំបន់មួយនេះ។

ថ្មីៗនេះ ក្លិប Man City បានចំណាយប្រាក់យ៉ាងច្រើនទៅលើខ្សែការពារកណ្តាល Ruben Diaz រួមជាមួយ Nathan Ake នៅក្នុងទីផ្សារដោះដូរកីឡាករថ្មីៗនេះ។ ឥឡូវនេះ ពួកគេចង់បានខ្សែការពារឆ្វេងដើម្បីយកមករួមជើងគ្នា Benjamin Mendy ដែលមានកីឡាករ២រូបដែលក្លិបកំពុងដាក់រ៉ាដាតាមអន្ទងទិញយក។

គោលដៅសំខាន់របស់ពួកគេនោះគឺកីឡាករ David Alaba មកពីក្លិប Bayern Munich និង Nicolas Tagliafico មកពី Ajax គឺជាគោលដៅសំខាន់។ កីឡាករ David Alaba នឹងត្រូវផុតកុងត្រានៅរដូវក្តៅខាងមុខនេះ ព្រោះគាត់បានបដិសេធមិនចុះកុងត្រាថ្មីជាមួយ Bayern Munich ឡើយ។

យ៉ាងណាមិញ កីឡាករទាំងពីរមានវ័យ ២៨ ឆ្នាំដូចគ្នា ដែលហាក់បីដូចជារាងជ្រេជាងកីឡាករដែលទើបតែចុះហត្ថលេខាយកមកប៉ុន្មានឆ្នាំថ្មីៗនេះ ប៉ុន្តែអ្វីដែលសំខាន់នោះត្រូវបានធ្វើឡើង ព្រោះតែត្រូវការកីឡាករដែលអាចមកបំពេញចន្លោះប្រហោងកន្លែងដែលខ្វះខាត៕

ប្រភព៖ Tribal football