អុីតាលី៖ បុរសជនជាតិប៉ាគីស្ថានម្នាក់ បានបំបែកឯតទគ្គកម្មពិភពលោកហ្គីនណេស (Guinness World Record) ដោយប្រើក្បាលរបស់គាត់ដំបំបែកគ្រាប់វាល់ណឺត (Walnut) ចំនួនរហូតដល់ទៅ ២៥៤គ្រាប់ ក្នុងកម្មវិធីប្រកួតប្រជែងមួយ តទល់នឹងដៃគូដែលជាជនជាតិឥណ្ឌា ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកំណត់ត្រាពិភពលោកហ្គីនណេស បានឲ្យដឹងថា លោក Muhammad Rashid មកពីប្រទេសប៉ាគីស្ថាន និងលោក S. Navin Kumar មកពីប្រទេសឥណ្ឌា បានបង្ហាញខ្លួននៅក្នុងកម្មវីធីរបស់អង្គការរក្សាកំណត់ត្រា ក្នុងកម្មវីធីទូរទស្សន៍ La Notte dei Record ក្នុងប្រទេសអុីតាលី ដោយធ្វើការប្រកួតជាមួយគ្នា ដើម្បីស្វែងរកអ្នកខ្លាំងគ្រងតំណែងជើងឯកពិភពលោក។
ជាក់ស្ដែង ក្រោមការប្រកួតប្រជែងយ៉ាងស្វិតស្វាញ បានរកឃើញថា លោក Rashid គឺជាម្ចាស់ឯតទគ្គកម្មពិភពលោក ដែលអាចប្រើក្បាលរបស់គាត់ដំបំបែកគ្រាប់វាល់ណឺតចំនួន ២៥៤គ្រាប់ ក្នុងរយៈពេលតែ១នាទីប៉ុណ្ណោះ បើធៀបនឹងលោក Kumar បានចំនួនត្រឹមតែ ២៣៩គ្រាប់៕
សូមទស្សនារូបភាព និងវីដេអូខាងក្រោម៖