បរទេស៖ បើទោះបីជាមានវ័យ៣៥ឆ្នាំទៅហើយក្ដី ក៏កីឡាករ Cristiano Ronaldo នៅតែបង្ហាញទម្រង់លេងបានយ៉ាងល្អមិនចាញ់ខ្សែប្រយុទ្ធក្មេងៗដែលកំពុងឡើងជើងខ្លាំងនោះទេ។ ហើយសម្រាប់ពីរប្រកួតដំបូងនៅលីកកំពូល Serie A រដូវកាលថ្មីនេះ រូបគេរកបាន៣គ្រាប់ឲ្យ Juventus រួចទៅហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស
យ៉ាងណាមិញនៅក្នុងកិច្ចសម្ភាសន៍ថ្មីៗនេះ គ្រូបង្វឹកក្រុមជម្រើសជាតិព័រទុយកាល់លោក Fernando Santos បានបញ្ជាក់ថា Ronaldo នឹងចូលនិវត្តន៍ពីអាជីពជាកីឡាករនៅពេលដែលរាងកាយរបស់គេចុះខ្សោយ។
Ronaldo អាចនៅបន្តលេងជាកីឡាករអាជីពរហូតដល់រូបគេឈានដល់វ័យ៤០ឆ្នាំ ប៉ុន្តែតារាឆ្នើមរូបនេះអាចនឹងចូលនិវត្តន៍លឿនជាងនេះប្រសិនបើរាងកាយរបស់គេចុះខ្សោយនោះ។ Ronaldo ជាកីឡាករមួយរូបដែលមិនធ្វើឲ្យកេរ្តិ៍ឈ្មោះជាកំពូលខ្សែប្រយុទ្ធរបស់គេបាត់បង់នោះទេ។ នៅពេលណាដែលដឹងថារាងកាយរបស់គេមិនអាចលេងបានក្នុងកម្រិតកំពូលមួយនោះ Ronaldo អាចនឹងសម្រេចចិត្តចូលនិវត្តន៍មិនខាន។
ដោយឡែក Ronaldo ក៏បានធ្វើការបញ្ជាក់ពីអនាគតរបស់គេប្រាប់សារព័ត៌មាន Marca កាលពីដើមឆ្នាំនេះផងដែរថា៖
រាយកាយមិនមែនជាបញ្ហាសម្រាប់ខ្ញុំនោះទេ អ្វីដែលសំខាន់គឺស្ថិតនៅលើចិត្តរបស់ខ្ញុំ។ ខ្ញុំជឿជាក់ថារាងកាយរបស់ខ្ញុំអាចនៅលេងបានក្នុងកម្រិតកំពូលមួយ រហូតដល់អាយុ៤០ឆ្នាំ ប៉ុន្តែប្រសិនបើចិត្តរបស់ខ្ញុំចង់ឈប់នៅពេលណាមួយ ខ្ញុំនឹងឈប់នៅពេលនោះ៕
ប្រភព៖ thesun
Bong I.T