Man United បង្វែររ៉ាដាតាមទិញខ្សែប្រយុទ្ធម្នាក់ពីក្លិបអធិរាជស Real Madrid

តាមរបាយការណ៍ពីកាសែត AS ខ្សែប្រយុទ្ធ Luka Jovic របស់ក្លិប Real Madrid គ្រោងនឹងចាកចេញពីក្លិបក្នុងលក្ខខណ្ឌខ្ចីជើងទៅកាន់ទឹកដី Old Trafford របស់ Man United ដែលកំពុងលេចចេញជារូបរាងបណ្តើរៗ។

យ៉ាងណាមិញ ក្រៅពីក្លិបបិសាចក្រហម ក៏នៅមានក្លិបមួយចំនួនមកពីក្របខ័ណ្ឌ Serie A ដែលមានក្លិប AC Milan, Inter Milan និង Roma សុទ្ធតែបានដាក់សំណើចង់បានខ្សែប្រយុទ្ធសញ្ជាតិស៊ែប៊ីនេះយ៉ាងខ្លាំង។

ដោយឡែក ចំពោះក្លិបបិសាចក្រហមវិញមានបំណងចង់ពង្រឹងតំបន់ប្រយុទ្ធរបស់ខ្លួន ហើយក្លិបនេះយល់ថា ខ្សែប្រយុទ្ធរូបនេះមានតម្លៃខ្លួនតិចជាង Edison Cavani ដែលធ្លាប់ជាប់ទាក់ទងនឹងការផ្លាស់ទៅកាន់ទឹកដី Old Trafford ។

គួរឱ្យដឹងផងដែរថា ចំពោះគោលដៅរបស់ខ្សែប្រយុទ្ធ Luka Jovic ត្រូវបានគេរាយការណ៍ថា វាអាស្រ័យលើក្លិបណាដែលអាចធានាថាគាត់អាចមានលទ្ធភាពលេងបានច្រើននៅក្នុងរដូវកាលនេះផងដែរ៕

ប្រភព៖ Goal