យេរេវ៉ាន៖ ប្រទេសអាមេនីនិងអាស៊ែបៃសង់នៅតែបន្តចោទប្រកាន់គ្នា ថាជាអ្នកបើកការបាញ់ប្រហារមុនទៅលើទឹកដីគ្នាទៅវិញទៅមក ព្រមទាំងបានច្រានចោលកិច្ចចរចាសន្តិភាព ខណៈជម្លោះរវាងប្រទេសទាំងពីរលើដែនដី ណាហ្គោណូ ការ៉ាបាក់ (Nagorno-Karabakh) បាននឹងកំពុងគំរាមកំហែងដល់ការផ្ទុះឡើងនៃសង្គ្រាម។
ការប៉ះទង្គិចគ្នារវាងទាហានអាស៊ែបៃសង់និងអាមេនី ដែលកើតឡើងកាលពីថ្ងៃអាទិត្យសប្តាហ៍មុននេះ បានឡើងកំដៅកាន់តែខ្លាំងឡើងៗ ទោះបីជាមានការអំពាវនាវឱ្យបញ្ឈប់ជាបន្ទាន់ ពីសំណាក់ប្រទេសរុស្ស៊ី សហរដ្ឋអាមេរិក និងប្រទេសមួយចំនួនទៀតយ៉ាងណាក៏ដោយ។ មនុស្សរាប់សិបនាក់ត្រូវបានគេរាយការណ៍ថា បានស្លាប់បាត់បង់ជីវិត ចំណែករាប់រយនាក់ទៀតបានរងរបួស។ មិនតែប៉ុណ្ណោះ វាក៏បានបង្កការគំរាមកំហែងដល់ប្រទេសជិតខាងរួមទាំងប្រទេសតួកគី ដែលជាសម្ព័ន្ធមិត្តជិតស្និទ្ធរបស់អាស៊ែបៃសង់ផងដែរ។
គួរជម្រាបដែរថា ណាហ្គោណូ ការ៉ាបាក់ គឺជាតំបន់មួយដែលត្រូវបានទទួលស្គាល់ជាអន្តរជាតិ ថាជាផ្នែកមួយនៃប្រទេសអាស៊ែបៃសង់។ ប៉ុន្តែនៅកំឡុងសម័យសង្គ្រាមពេលដែលសហភាពសូវៀតបានដួលរលំនៅឆ្នាំ ១៩៩១ តំបន់នេះបានប្រកាសផ្តាច់ខ្លួនចេញអាស៊ែបៃសង់ ហើយបច្ចុប្បន្នស្ថិតនៅក្រោមការគ្រប់គ្រងរបស់ពលរដ្ឋអាមេនី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
