អង់គ្លេស៖ ក្រុមតោខៀវ Chelsea បានធ្លាក់ចេញពីពានរង្វាន់ League Cup ឬ Carabao Cup ត្រឹមវគ្គ១៦ក្រុមចុងក្រោយយប់មិញនេះ ដោយចាញ់ក្រុម Tottenham Hotspur ក្នុងវគ្គស៊ុតបាល់ប៉េណាល់ទី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងការប្រកួតតង់ទី១ Chelsea មានឱកាសរកបានមួយគ្រាប់នាំមុខមុនដោយកីឡាករចំណូលថ្មី Timo Werner ហើយក៏ជាគ្រាប់ទី១របស់គេ ក្នុងការប្រកួតផ្លូវការឲ្យក្រុមលោក Lampard ផងដែរ។ ប៉ុន្តែចូលដល់តង់ទី២ ពោលគឺនៅនាទីទី៨៣ កីឡាករ Erik Lamela រកបានមួយគ្រាប់មកវិញជួយឲ្យ Spurs តាមស្មើ១ទល់នឹង១។
លទ្ធផលនេះរក្សារហូតដល់ចប់ការប្រកួត៩០នាទី ដោយក្លិបទាំងពីរត្រូវធ្វើការស៊ុតបាល់ប៉េណាល់ទីកាត់សេចក្ដី។ Spurs ធ្វើបានល្អណាស់នៅក្នុងវគ្គប៉េណាល់ទីនេះ ពោលស៊ុត៥គ្រាប់ចូលទាំង៥ ដោយគ្មានប៉ះដៃអ្នកចាំទីចំណូលថ្មីរបស់ Chelsea កីឡាករ Edouard Mendy បន្តិចនោះទេ។ ចំណែកឯ Chelsea វិញរបូតមួយគ្រាប់ដោយខ្សែបម្រើវ័យក្មេង Mason Mount ។
ដូច្នេះសរុបសេចក្ដីមក Spurs យកឈ្នះ Chelsea ដោយបាល់កាត់សេចក្ដី១១ម៉ែត្រ ៥ទល់នឹង៤៕
ប្រភព៖ bbc