ភ្នំពេញ៖ ចូលប្រឡូកនៅក្នុងសិល្បៈមិនយូរប៉ុន្មានផង តារាចម្រៀងវ័យក្មេង សុវត្ថិ មុនីនាគ ក៏ទទួលបាននូវភាពជោគជ័យនៅក្នុងការងារ ជាមួយនឹងការគាំទ្រពីបណ្ដាហ្វេនៗជាច្រើន ទាំងទឹកដមសម្លេង ក៏ដូចជារូបសម្បត្តិដ៏ស្រស់សង្ហាលេចធ្លោ ដែលអាចទាក់ទាញចិត្តអ្នកទស្សនាគ្រប់ៗគ្នាបាន។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក ទន្ទឹមនឹងជីវិតការងារ ដែលកំពុងតែរលូនទៅមុខបែបនេះ ងាកមកមើលពីជីវិតឯកជនក៏មិនខុសគ្នាប៉ុន្មាននោះដែរ ដែលជាក់ស្ដែង នៅក្នុងថ្ងៃកំណើតរបស់ តារាចម្រៀងប្រុសរូបនេះផ្ទាល់តែម្ដង ក៏ត្រូវបានក្រុមគ្រួសាររៀបចំឲ្យយ៉ាងមានសុភមង្គល ដែលនៅក្នុងនោះ លោក ព្រាប សុវត្ថិ ដែលជាឪពុកបង្កើត ក៏បានជូនពរកូនប្រុសរបស់ខ្លួនរូបនេះ ប្រកបដោយក្ដីស្រលាញ់ថែមទៀត។
យ៉ាងណាមិញ បន្ទាប់ពីជ្រាបបែបនេះហើយ ហ្វេនៗជាច្រើនក៏បានសម្ដែងការអបអរ និងជូនពរទៅដល់ តារាចម្រៀងវ័យក្មេងរូបនេះគ្រប់ៗគ្នា ជាពិសេស បើទោះជាមានការរៀបចំ មិនធំដុំអ្វីប៉ុន្មាន ប៉ុន្តែក៏បានបង្ហាញពីភាពរីករាយ និងក្ដីសុខ នៅក្នុងក្រុមគ្រួសាររបស់លោក ជាទីបំផុត៕
សូមទស្សនារូបភាពខាងក្រោម៖