ភ្នំពេញ៖ យុវជនស័្មគ្រចិត្តកម្ពុជាមួយក្រុម បានរួមគំនិត និងបង្កើតពិធីជួបជុំគ្នាដើម្បីលើកកម្ពស់ ចែករំលែក និងផ្លាស់ប្តូរបទពិសោធន៍ពី ស្ទាយ៍នៃការស្លៀកពាក់របស់ខ្លួននៅតាមទីសាធារណៈ ដែលត្រូវបានស្គាល់ឈ្មោះថា «Dress To Express» នៅក្នុងរាជធានីភ្នំពេញ កាលពីរសៀលថ្ងៃទី២៦ ខែកញ្ញាកន្លងមកនេះ។

ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»

ការជួបជុំជជែក និងចែករំលែកពីបទពិសោធន៍ពីវិស័យ Fashion គ្រប់ទម្រង់ ប្រារព្ធធ្វើឡើងដើម្បីលើកទឹកចិត្ត និងជួយកាត់បន្ថយការរើសអើង ជាពិសេសការប្រមាថមើលងាយលើការស្លៀកពាក់ ពូជសាសន៍ សម្បុរ និងការបែងចែកភេទនៅតាមទីសាធារណៈជាដើម។ ក្រុមអ្នកបង្កើតកម្មវិធី និងអ្នកចូលរួមប្រមាណជាង១០នាក់ មានដូចជា សិស្សនិស្សិត​ បុគ្គលិកក្រុមហ៊ុន អ្នកសិល្បៈ បុគ្គលិកអង្គការ បុគ្គលិកការងារឯករាជ្យ និង​យុវវ័យគ្រប់ស្រទាប់ជាន់ថ្នាក់ បានចូលរួមដោយការស្ម័គ្រចិត្ត។

បន្ទាប់ពីការជួបជុំថតរូប ពិភាក្សាគ្នារវាងអ្នកជំនាញនិងអ្នកចូលរួមទូទៅ និងផ្លាស់ប្តូរបទពិសោធន៍ពីការយល់ឃើញក្រោមប្រធានបទ «សុវត្ថិភាពនៃការស្លៀកពាក់» អ្នកចូលរួមទំាងអស់បានស្នើរឲ្យមានការរៀបចំបែបនេះបន្ថែមទៀត ដើម្បីបង្ហាញពីភាពជាខ្លួនឯង។

ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»

 លោក បូ សកលកិត្យា ជាបុគ្គលិកឯករាជ្យ និងម្នាក់ក្នុងចំនោមអ្នកបង្កើតការជួបជុំនេះ បានលើកឡើងថា នៅកម្ពុជា វប្បធម៌នៃការស្លៀកពាក់មួយចំនួន មិនត្រូវបានផ្តល់នូវតម្លៃទៅតាមការ​ច្នៃ​ម៉ូត​សម្លៀក​បំពាក់របស់អ្នកច្នៃខ្លួនឯងទេ ដោយហេតុថាវាមានលក្ខណៈខុសប្លែកពីអ្នកដទៃ និងមិនមានភាពជឿជាក់ក្នុងការដើរតាមទីសាធារណៈ។ ផ្ទុយទៅវិញ​ ការបង្ហាញពីស្ទាយ៍នៃការស្លៀកពាក់របស់ខ្លួនឯង ជាកត្តាចាំបាច់ដើម្បីបង្ហាញពីខ្លួនឯង និងជាគំរូដល់អ្នកដែលមានស្តាយផ្ទាល់ខ្លួនដែលមិនប្រាស់ចាកពីប្រពៃណីវប្បធម៌។ 

លោកបានបន្តថា៖

សម្តីលោក បូ សកលកិត្យា 

អ្នកចូលរួមកម្មវិធីភាគច្រើន បានបង្ហាញពីភាពរីករាយនៃចូលរួម និងបង្ហាញពីស្ទាយ៍ស្លៀកពាក់រៀងៗខ្លួន ដើម្បីបង្ហាញពីខ្លួនឯងតាមរយៈការថតរូបលេង ពិភាក្សាពីបទពិសោធន៍ជីវិត និងបញ្ហាផ្សេងៗដែលមនុស្សក្នុងសង្គមបានជួបប្រទះ។

«ភាពជឿជាក់តាមការស្លៀកពាក់-- Dress to Express» គឺជាពិធីជួបជុំ ជជែកពិភាក្សាគ្នា និងពង្រឹងភាពជឿជាក់លើការស្លៀកពាក់នៃវិស័យ Fashion របស់បុគ្គលម្នាក់ៗនៅតាមទីសាធារណៈ។ កម្មវិធីនេះ នឹងមានការរៀបចំ​ជាបន្តបន្ទាប់នៅទីតំាងផ្សេងៗគ្នាក្នុងប្រទេសកម្ពុជា៕

ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»
ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»
ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»
ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»
ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»
ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»
ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»
ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»
ទិដ្ឋភាពក្នុងកម្មវិធីជួបជុំ និងចែករំលែកពី «ភាពជឿជាក់តាមការស្លៀកពាក់»

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ