នៅការប្រកួតក្នុងក្របខ័ណ្ឌ MLS សម្រាប់ជំនួបរវាង Philadelphia និង Inter Miami បានបញ្ចប់ទៅក្នុងលទ្ធផលយ៉ាងអាម៉ាស់ ៣-០ ដែលនេះជាបរាជ័យធ្ងន់ធ្ងរមួយបន្ថែមទៀតសម្រាប់ក្រុមដែលដឹកនាំដោយប្រធានក្លិបលោក David Beckham។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅជម្រើសដំបូង គេឃើញមាន Matuidi និង Hiuagin ដែលជាមិត្តរួមទ្រនំនៅ Juventus បានបង្ហាញខ្លួនជាលើកដំបូងឱ្យក្លិប Miami ប៉ុន្តែមិនអាចជួយរកបានគ្រាប់បាល់ ឬជ័យជម្នះអ្វីនោះទេ។ អ្វីដែលសោកស្តាយគឺសម្រាប់ Higuain ដែលនៅប្រកួតនោះគេខកខានការស៊ុតបាល់ប៉េណាល់ទីថែមទៀតនៅនាទី ៧៧។
ខណៈពេលដែល Higuain បរាជ័យក្នុងការស៊ុតបាល់ ១១ ម៉ែត្រ ដែលបានហោះផុតបង្គោលទីទៅលើ ភ្លាមនោះកីឡាកររបស់ក្រុមម្ខាងទៀតក៏បានស្រែកអបអរខាងក្រោយ Higuain ដែលភ្លាមនោះស្រាប់តែ Higuain ទប់មិនជាប់ ក៏ដើរទៅបំបុកស្មាគេមួយទំហឹង នាំឱ្យមានការប៉ះទង្គិចយ៉ាងក្តៅគគុកថែមទៀតផង។
គួររំលឹកផងដែរថា បច្ចុប្បន្នក្រុម Inter Miami របស់ David Bekcham កំពុងស្ថិតនៅក្បែរបាតតារាងដែលមានត្រឹមតែ ១១ ពិន្ទុប៉ុណ្ណោះក្នុង ១៤ ប្រកួត ដែលនេះជាលទ្ធផលមិនល្អទាល់តែសោះ៕
ប្រភព៖ Goal