អង់គ្លេស៖ ក្លិបបិសាចក្រហម Manchester United ត្រូវបានគេរំពឹងទុកថាអាចនឹងមមាញញឹកខ្លាំងក្នុងការទិញយកកីឡាករថ្មីៗទៅរួមក្រុម នៅប៉ុន្មានថ្ងៃចុងក្រោយមុនពេលទីផ្សារដោះដូរកីឡាកររដូវក្ដៅនេះត្រូវបិទបញ្ចប់។ ក្នុងនោះក្លិបលោក Ole Gunner Solsjkaer អាចនឹងធ្វើការសម្រេចចិត្តចុងក្រោយជុំវិញការផ្ទេរយកកីឡាករតម្លៃខ្លួនថ្លៃ Jadon Sancho ពីក្លិប Borussia Dortmund ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាមួយគ្នានេះដែរបើតាមរបាយការណ៍របស់គេហទំព័រ The Mirror បានឲ្យដឹងថា Man Utd កំពុងតែធ្វើការទាក់ទងជាមួយតំណាងរបស់កីឡាករ N'Golo Kante ដើម្បីនាំយករូបគេមកលេងនៅទឹកដី Old Trafford រដូវកាលថ្មីនេះ។
គួរឲ្យដឹងដែរថា Chelsea ក៏កំពុងតែមានគម្រោងលក់កីឡាករវ័យ២៩ឆ្នាំរូបនេះចេញផងដែរ ដើម្បីប្រមូលទុនទិញយកខ្សែបម្រើ Declan Rice ពីក្លិប West Ham ។ ហើយក្លិបលោក Solsjkaer ត្រូវហ៊ានចំណាយប្រមាណ៥០លានផោន (ឬ៦៤លានដុល្លារ) ទើបអាចយក Kante ទៅរួមក្រុមបាននៅរដូវក្ដៅនេះ៕
ប្រភព៖ sportsmole