បាគូ៖ យ៉ាងហោចណាស់មានសមាជិកយោធាចំនួន ១៦នាក់ និងជនស៊ីវិលជាច្រើននាក់ទៀត បានស្លាប់បាត់បង់ជីវិតកាលពីថ្ងៃអាទិត្យ នៅក្នុងហេតុការណ៍ប៉ះទង្គិចគ្នាដ៏ខ្លាំងក្លាមួយរវាងប្រទេសអាមេនី និងអាស៊ែបៃសង់។ ការប្រយុទ្ធគ្នារវាងអតីតសាធារណរដ្ឋសូវៀតទាំងពីរ ដែលធ្លាប់កើតមាននៅទសវត្សឆ្នាំ១៩៩០ គឺបានផ្ទុះឡើងសាជាថ្មីម្តងទៀតនៅតំបន់ ណាហ្គោណូ ការ៉ាបាក់ (Nagorno-Karabakh) ដែលត្រូវបានទទួលស្គាល់ជាអន្តរជាតិថា ជាផ្នែកមួយនៃប្រទេសអាស៊ែបៃសង់ ប៉ុន្តែស្ថិតនៅក្រោមគ្រប់គ្រងដោយជនជាតិអាមេនី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអាជ្ញាធរតំបន់ការ៉ាបាក់បាននិយាយថា ទាហានរបស់ខ្លួន ១៦នាក់ត្រូវបានសម្លាប់ និងជាង ១០០នាក់ទៀតត្រូវរងរបួស បន្ទាប់ពីអាស៊ែបៃសង់បានបើកការវាយប្រហារតាមអាកាស និងផ្លោងគ្រាប់កាំភ្លើងធំ កាលពីព្រឹកថ្ងៃអាទិត្យ។ រដ្ឋាភិបាលអាមេនីនិងការ៉ាបាក់ បានប្រកាសច្បាប់អាជ្ញាសឹក និងកៀរគរបុរសៗដើម្បីចូលធ្វើកងទ័ព ខណៈដែលភាគីអាស៊ែបៃសង់ក៏បានប្រកាសច្បាប់អាជ្ញាសឹក ព្រមទាំងអះអាងថា កម្លាំងរបស់ខ្លួនបានឆ្លើយតបទៅនឹងការបាញ់ផ្លោងរបស់ប្រទេសអាមេនី ហើយថែមទាំងបានដណ្តើមកាន់កាប់ភូមិចំនួន៧ ក្នុងតំបន់ការ៉ាបាក់។
គួរជម្រាបដែរថា តំបន់ការ៉ាបាក់ ដែលជាតំបន់មានជនជាតិភាគតិចអាមេនីរស់នៅ បានប្រកាសផ្តាច់ខ្លួនចេញអាស៊ែបៃសង់ នៅកំឡុងសម័យសង្គ្រាមពេលដែលសហភាពសូវៀតបានដួលរលំនៅឆ្នាំ ១៩៩១៕