អ៊ីតាលី៖ នៅក្នុងសប្តាហ៍ទី២របស់ខ្លួននៃលីគកំពូល Serie A យប់មិញនេះ ក្លិបសេះបង្កង់ Juventus រកបានតែមួយពិន្ទុប៉ុណ្ណោះនៅក្រៅដី ក្រោយស្មើគ្នាជាមួយក្លិប AS Roma ដោយលលទ្ធផល២ទល់នឹង២។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងការប្រកួតតង់ទីមួយក្លិប Roma មានឱកាសរកបានមួយគ្រាប់នាំមុខមុនដោយការស៊ុតបាល់ប៉េណាល់ទីរបស់កីឡាករ Jordan Veretout នៅនាទីទី៣១។ ក្រោយមកនៅនាទីទី៤៤ Juventus ក៏បានរកគ្រាប់តាមស្មើមកវិញដោយបាល់ប៉េណាល់ទីដូចគ្នា រកបានដោយកីឡាករ Cristiano Ronaldo។ មិនទាន់អស់គ្រាប់នោះទេ ពោលនៅនាទី៤៥+១ទៅហើយ Roma បានបន្ថែមមួយគ្រាប់ទៀតដោយកីឡាករ Jordan Veretout ដដែល។
ចូលដល់តង់ទីពីរ Juventus បានបាត់បង់កីឡាករម្នាក់គឺខ្សែបម្រើ Adrien Rabiot ក្រោយទទួលបានកាតលឿងពីរដង។ យ៉ាងណាមិញបើទោះបីជាមានគ្នាត្រឹម១០នាក់ក្ដី Juventus ក៏អាចមានលទ្ធភាពតាមស្មើមកវិញ ដោយការលោតតែតយ៉ាងស្អាតរបស់ Ronaldo ដែលជាគ្រាប់ទី២របស់ខ្លួន៕
ប្រភព៖ bbc