តេហេរ៉ង់់៖ ថ្ងៃសៅរ៍នេះប្រធានាធិបតីអ៊ីរ៉ង់លោក ហាសាន់ រ៉ូហានី បានប្រកាសឱ្យគ្រប់តំបន់ខេត្តក្រុងក្នុងប្រទេសអ៊ីរ៉ង់ ត្រូវត្រៀមចេញវិធានការរិតបន្តឹងរាល់សកម្មភាពនានា ដើម្បីទប់ស្កាត់កំណើនឡើងយ៉ាងឆាប់រហ័សនៃករណីឆ្លងជំងឺកូវីដ១៩។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សនៅក្នុងសុន្ទរកតាមទូរទស្សន៍រដ្ឋ លោក រ៉ូហានី បានជម្រុញឱ្យអាជ្ញាធរនៅរដ្ឋធានីតេហេរ៉ង់ ត្រូវបង្កើនការតាមដានលើប្រភពចម្លងជំងឺកូវីដ១៩ឱ្យបានខ្លាំងជាងគេ។ បន្ថែមពីនេះ ការិយាល័យប្រយុទ្ធប្រឆាំងនឹងជំងឺឆ្លង ដែលគ្រប់គ្រងដោយរដ្ឋាភិបាលនៅទូទាំងប្រទេសអ៊ីរ៉ង់ នឹងផ្តល់អនុសាសន៍ស្តីពីវិធានការរឹតបន្តឹង ឬអាចឈានដល់ការបិទទ្វារប្រទេសមួយសប្តាហ៍។
គួរឱ្យដឹងដែរថា បច្ចុប្បន្នមន្ត្រីសុខាភិបាលអ៊ីរ៉ង់បាននឹងកំពុងសម្តែងការព្រួយបារម្ភចំពោះកំណើនឡើងនៃករណីឆ្លង និងបានជម្រុញឱ្យពលរដ្ឋក្នុងប្រទេសត្រូវគោរពតាមវិធានការការពារសុខភាព ក្នុងគោលបំណងប្រយុទ្ធប្រឆាំងនឹងជំងឺរាតត្បាតកូវីដ១៩៕