ភ្នំពេញ៖ អ្នកនាង កែវ ចាន់និមល ជាពិធីការិនីមួយរូបដែលមានវោហារស័ព្ទពីរោះចាក់ទឹកមិនលេច មិនតែប៉ុណ្ណោះ ត្រូវបានមហាជនជាច្រើនចាត់ទុកនាងជាពិធីការិនីឆ្នើមមួយរូបប្រចាំប្រទេសកម្ពុជាផងដែរ។ ម្យ៉ាងវិញទៀត បើទោះបីតារាស្រីរូបនេះ ចាប់យកជំនាញក្នុងវិស័យសិល្បៈ ត្រឹមតែជាពិធីការិនីមួយមុខ តែតារារូបនេះ មានឈ្មោះល្បីល្បាញ និងមានការគាំទ្រ ចូលចិត្តច្រើនពីមហាជនគ្រប់ទិសទី មិនថាចាស់ ឬក្មេងយុវវ័យនោះទេ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ តារាស្រីរូបនេះ តែងតែកាន់កម្មវិធីធំៗបែបលំដាប់ថ្នាក់អន្តរជាតិ និងធ្វើបានល្អឥតខ្ចោះសឹងតែគ្រប់ពេលតែម្ដងចាប់តាំងពីឈានជើងចូលសិល្បៈដំបូងមកទល់នឹងពេលនេះ តែអ្វីដែលយើងចាប់អារម្មន៍នោះ កាលពីយប់មិញនេះ អ្នកនាង កែវ ចាន់និមល បានធ្វើឲ្យមហាជន និងហ្វេនៗជាច្រើនព្រួយបារម្ភ និងប្រហោងពោះគ្រប់គ្នា បន្ទាប់ពីរអិលជើងអួល ពេលកំពុងឡាយផ្ទាល់ក្នុងកម្មវិធី I Am a Singer Cambodia រដូវកាលទី២ វគ្គផ្ដាច់ព្រ័ត្រ។
ជាការពិត មូលហេតុដែលធ្វើឲ្យតារាស្រីរូបនេះ រអិលដួលប្រហែលមកពីស្បែកជើង ឬមួយក៏រ៉ូបដែលនាងបានស្លៀកមានភាពតឹង និងវែងពេកទើបធ្វើឲ្យតារារូបនេះរអិលជើងដួលយ៉ាងដូច្នេះ។ ក្នុងនោះដែល បើទោះបីរអិលដួលនៅក្នុងកម្មវិធីឡាយផ្ទាល់យ៉ាងណាក្ដី ក៏ពិធីការិនីរូបនេះ ងើបមកធ្វើការអធិប្បាយនៅក្នុងកម្មវិធីបានយ៉ាងធម្មតា ព្រមទាំងបង្ហាញនៅស្នាមញញឹមយ៉ាងរួសរាយ ដើម្បីបន្តនៅកម្មវិធីមួយនេះឲ្យទៅមុខ រហូតដល់ពេលបញ្ចប់ផងដែរ៕
ចង់ជា្របច្បាស់ សូមទស្សនារូបភាពខាងក្រោម៖