អូស្ត្រាលី៖ ក្រុមអ្នកជំនាញសមុទ្របាននិយាយថា ត្រីបាឡែនដែលនៅរស់នៅមានចំនួនសរុប១០៨ក្បាល ត្រូវបានគេដោះលែងចូលក្នុងសមុទ្រវិញហើយ បន្ទាប់ពីការជាប់កឿងចំនួនយ៉ាងច្រើន នៅក្នុងប្រទេសអូស្ត្រាលី។ ប៉ុន្តែចំនួនត្រីបាឡែន៣៥០ក្បាលដែលបានស្លាប់ នៅក្នុងការកឿងនេះ គឺជាហេតុការណ៍ដ៏អាក្រក់មួយរបស់អូស្ត្រាលី។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សឥឡូវនេះ ការយកចិត្តទុកដាក់កំពុងងាកទៅរកការគិតគូរពីសាកសពរបស់ត្រីបាឡែន ដោយមានចំនួន១៥ក្បាលត្រូវបានគេបញ្ចុះនៅសមុទ្រ កាលពីថ្ងៃសុក្រ ក្នុងការធ្វើសាកល្បង ប្រសិនបើវិធីសាស្ត្រនេះទទួលបានជោគជ័យ។
សេចក្ដីថ្លែងការណ៍មួយដែលចេញផ្សាយដោយរដ្ឋាភិបាលរដ្ឋ Tasmania កាលពីថ្ងៃសៅរ៍បានបញ្ជាក់ថា ត្រីបាឡែនចំនួន១០៨ក្បាលដែលរួចផុតពីការជាប់កឿងនេះ ត្រូវបានគេដោះលែងខាងក្រៅកំពង់ផែ Macquarie Harbour។ អ្នកជំនាញផ្នែកជីវសត្វព្រៃ លោក Kris Carlyon បាននិយាយថា វាជាលទ្ធផលអស្ចារ្យមួយ បន្ទាប់ពីការខិតខំអស់រយៈពេល៥ថ្ងៃ ដោយក្រុមអ្នកជួយសង្គ្រោះ។
ឥឡូវនេះ ក្រុមការងារកំពុងខិតខំប្រឹងប្រែង ដើម្បីយកសាកសពចេញពីកំពង់ផែ។ សេចក្ដីថ្លែងការណ៍របស់រដ្ឋាភិបាលបាននិយាយថា នេះនឹងចំណាយពេលច្រើនថ្ងៃ ហើយអាស្រ័យលើខ្យល់ជំនោរ និងលក្ខណ្ឌផ្សេងទៀត៕
រូបភាព៖