ម៉ាឡេស៊ី៖ ឆ្មាកម្សត់មួយក្បាល នៅប្រទេសម៉ាឡេស៊ី បាន.សឲ្យឃើញពីសេចក្ដីនឹករលឹក ដោយចំណាញពេលទៅលេងផ្នូររបស់ម្ចាស់វាជារៀងរាល់ថ្ងៃ អស់រយៈពេលដល់២ឆ្នាំមកនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សរឿងរ៉ាវ និងរូបភាពរបស់ឆ្មាញីឈ្មោះ ណាណា អាយុ៦ឆ្នាំ ត្រូវបានកូនស្រីពៅរបស់ម្ចាស់វាឈ្មោះ ណូហ្ស៊ី ធ្វើការបង្ហោះចែកចាយទៅក្នុង Facebook Group នាពេលថ្មីៗកន្លងទៅ។ នាង ណូហ្ស៊ី បានរៀបរាប់ថា ណាណា តែងតែទៅមើលផ្នូររបស់ឪពុកនាងជារៀងរាល់ព្រឹក ដោយគ្រាន់តែអង្គុយ ឬដេកនៅក្បែរទីនោះ ហើយវានឹងត្រលប់មកផ្ទះវិញ ដើម្បីស៊ីចំណី។
ណូហ្ស៊ី បានបញ្ជាក់ទៀតថា ឪពុករបស់នាងគឺជាអតីតគ្រូបង្រៀនម្នាក់ ដែលស្រលាញ់សត្វឆ្មា និងតែងតែផ្ដល់ចំណីដល់ឆ្មាសំណព្វរបស់គាត់នៅពេលព្រឹក មុនពេលទៅវិហារអុីស្លាមមួយកន្លែងក្បែរផ្ទះ ដែលជាកន្លែងបញ្ចុះសពរបស់គាត់។ នាងបន្ដថា ណាណា តែងតែដើរតាមឪពុករបស់នាងទៅវិហារ និងរង់ចាំគាត់អធិស្ឋានចប់ ទើបត្រឡប់មកផ្ទះជាមួយគ្នាវិញ។
តែយ៉ាងណាមិញ ណាណា ហាក់កើតទុក្ខជាខ្លាំង បន្ទាប់ពីម្ចាស់របស់វាចែកឋានទៅ ដោយមិនសូវស៊ីចំណី ដែលបណ្ដាលឲ្យស្គមស្គាំងជាងមុន។ ប៉ុន្ដែវាក៏ចាប់ផ្ដើមស៊ីចំណីដូចធម្មតាវិញ នៅរយៈពេល៣ខែក្រោយ ហើយនៅតែបន្ដទៅលេងផ្នូរដូចសព្វមួយដងផងដែរ៕
សូមទស្សនារូបភាពខាងក្រោម៖