ភ្នំពេញ៖ បន្ទាប់ពីចូលប្រឡូកនៅក្នុងវិស័យសិល្បៈអស់ជាច្រើនឆ្នាំ មកទល់នឹងបច្ចុប្បន្ននេះ តារាចម្រៀងស្រី កញ្ញា វី ឌីណែត កាន់តែទទួលបាននូវការគាំទ្រពីទស្សនិកជនជាច្រើន ជាមួយនឹងសមត្ថភាពនឹងទឹកដមសម្លេងដ៏ពីរោះ ដែលអាចឲ្យនាងកាន់តែមានភាពលេចធ្លោ និងទទួលបានជោគជ័យនៅក្នុងអាជីពមួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាក់ស្ដែង កាលពីយប់មិញ ដែលជាការប្រលងចម្រៀងលំដាប់ថ្នាក់ពិភពលោក ក្នុងកម្មវិធី I Am A Singer Cambodia រដូវកាលទី២ គឺជាភាពជោគជ័យថ្មីមួយសម្រាប់ កញ្ញា វី ឌីណែត បន្ទាប់ពីចូលរួមការប្រលងអស់រយៈពេលជាច្រើនសប្ដាហ៍ ទីបំផុត តារាចម្រៀងស្រីរូបនេះ ក៏បានក្លាយជាម្ចាស់ពានរង្វាន់ កម្មវិធី I Am A Singer Cambodia រដូវកាលទី២ ព្រមជាមួយនឹងសមត្ថភាពដ៏ល្អ ដែលធ្វើឲ្យទស្សនិកជនជាច្រើន ពេញចិត្តគ្រប់ៗគ្នា។
យ៉ាងណាមិញ បន្ទាប់ពីជ្រាបដំណឹងដ៏សែនរំភើប របស់តារាស្រីរូបនេះហើយ ក៏មានបណ្ដាហ្វេនៗជាច្រើន បានមកចូលរួមសម្ដែងក្ដីត្រេកអរ និងអបអរសាទរចំពោះនាង ដែលបានខិតខំប្រឹងប្រែងអស់ពីសមត្ថភាព ដើម្បីទទួលបានភាពជោគជ័យបែបនេះ៕
ប្រភព៖ Smart Axiata
សូមទស្សនារូបភាពខាងក្រោម៖