ភ្នំពេញ៖ យោងតាមសេចក្តីប្រកាស ជាផ្លូវការដោយ ក្រសួងសុខាភិបាលកម្ពុជា ដែលចេញនៅថ្ងៃរសៀលទី២៦ ខែកញ្ញានេះបានឲ្យដឹងថា បុរសជនជាតិហុងគ្រីអាយុ ៧០ឆ្នាំ ដែលបានរត់គេចខ្លួននោះ ពេលនេះត្រូវបានរកឃើញវិញហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយតាមលទ្ធផលវិភាគ ពីវិទ្យាសាស្ត្រប៉ាស្ទ័រកម្ពុជា ក៏បានបង្ហាញថា បុរសជនជាតិហុងគ្រី ខាងលើនេះគឺ បញ្ជាក់ថាមានវិជ្ជាមានវីរុសកូវីដ-១៩។ ក្រោយពី ការស្វែងរកដោយអាជ្ញាធរ និងមន្ទីរសុខាភិបាល ខេត្តសៀមរាប បុរសរូបនេះ ត្រូវបានរកឃើញនៅវេលាម៉ោង៩ព្រឹក នៅក្នុងផ្ទះសំណាក់មួយកន្លែង ក្នុងខេត្តសៀមរាប។
គួរបញ្ជាក់ផងដែរថា នៅពេលនេះ បុរសជនជាតិហុងគ្រី ខាងលើនេះ កំពុងសម្រាកព្យាបាល នៅមន្ទីរពេទ្យក្នុង ខេត្តសៀមរាបរួចរាល់ហើយ។ ចំណែកក្រុមការងារ កំពុងតែបន្តធ្វើការស្រាវជ្រាវ រកអ្នកដែលប៉ះពាល់ ជាបន្តទៀតផងដែរ៕