ហ្សឺណែវ៖ ថ្លែងប្រាប់អ្នកសារព័ត៌មានក្នុងទីក្រុងហ្សឺណែវ កាលពីថ្ងៃសុក្រ ទី២៥ ខែកញ្ញា ឆ្នាំ២០២០ លោក Michael Ryan នាយកកម្មវិធីសង្គ្រោះបន្ទាន់របស់អង្គការសុខភាពពិភពលោក (WHO) បានព្យាករណ៍ថា មនុស្សចំនួន២លាននាក់អាចនឹងស្លាប់ មុនពេលមានវ៉ាក់សាំង COVID-19 សម្រាប់ប្រើប្រាស់ជាផ្លូវការ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលោក Ryan បានមានប្រសាសន៍ថា៖
លោកក៏បានសង្កត់ធ្ងន់ដែរថា ដើម្បីកាត់បន្ថយចំនួនអ្នកស្លាប់ យើងចាំបាច់ត្រូវចាត់វិធានការឲ្យអស់ពីលទ្ធភាពតាមដែលអាចធ្វើទៅបាន រួមមានការធ្វើតេស្ដ ការតាមដាន ការព្យាបាល និងរក្សាគម្លាតសង្គមជាដើម។
ទន្ទឹមនឹងនេះដែរ លោកស្រី Maria Van Kerkhove ប្រធានបច្ចេកទេសរបស់អង្គការសុខភាពពិភពលោក ដែលទទួលបន្ទុកលើវីរុសកូរ៉ណាបានព្រមានថា ស្ថានប័នវេជ្ជសាស្ដ្រនៅតាមបណ្ដាប្រទេសជាច្រើនក្នុងតំបន់អឺរ៉ុប កំពុងទទួលរងបន្ទុកធ្ងន់ធ្ងរ។ លោកស្រីបាននិយាយថា អង្គការពាណិជ្ជកម្មពិភពលោក មានការព្រួយបារម្ភពីការកើនឡើងនៃអ្នកជំងឺ ដែលបណ្ដាលឲ្យខ្វះខាតគ្រែសម្រាប់នៅមន្ទីរពេទ្យជាច្រើន។
គួរជម្រាបថា យោងតាមគេហទំព័រ Worldometers គិតត្រឹមរសៀលថ្ងៃសៅរ៍ ទី២៦ ខែកញ្ញា ឆ្នាំ២០២០ ចំនួនអ្នកស្លាប់ដោយសារ COVID-19 នៅទូទាំងពិភពលោកបានកើនដល់ជាង ៩៩៣,០០០នាក់ហើយ ក្នុងចំណោមអ្នកឆ្លងសរុបជាង ៣២.៧លាននាក់ ខណៈអ្នកជំងឺប្រមាណ ២៤.១លាននាក់ជាសះស្បើយវិញ៕