CL សង្ស័យចូលផលិតកម្ម BigHit ក្រោយ Weverse ប្រកាសស្វាគមន៍សមាជិកថ្មី?

//s9.kh1.co/e9/e9c5be69385511897e9a1e662e70d35d524b53ee.jpg

តារា & កម្សាន្ដ

២៦-កញ្ញា-២០២០ ១០ព្រឹក · ៤ ឆ្នាំមុន

បន្ទាប់ពី WEVERSE បានប្រកាសស្វាគមន៍តារាថ្មីធ្វើឲ្យអ្នកគាំទ្រជាច្រើន ដាក់ចម្ងល់ថា តារាស្រីថ្មីនោះគឺជាអតីតប្រធានក្រុមចម្រៀងនារីCLផងដែរ។

កូរ៉េខាងត្បូង៖ ពិតជាដំណឹងដែលធ្វើឲ្យ អ្នកគាំទ្រទាំងអស់ មានការភ្ញាក់ផ្អើលជាខ្លាំង បន្ទាប់ពី WEVERSE ដែលឋិតនៅក្រោមការគ្រប់គ្រងរបស់ ផលិតកម្ម Big Hit របស់ក្រុមចម្រៀងប្រុស BTS និង TXT បានបង្ហោះនៅក្នុងគរណីInstagram របស់ខ្លួនថា ប្រកាសត្រៀមស្វាគមន៍ តារាស្រីថ្មី នាពេលឆាប់ៗ ខាងមុខនេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយនឹង ការបង្ហោះអមជាមួយនឹង រូបភាពមួយសន្លឹក ថ្វីមិនបង្ហាញមុខ តែក៏អាចធ្វើឲ្យអ្នកគាំទ្រ ក៏ដូចជាមហាជនទូទៅ ដែលនិយមលេងបណ្តាញសង្គមមួយនេះ អាចទាញដឹងយ៉ាងច្បាស់ថា ជាអតីតប្រធានក្រុម ចម្រៀងនារី 2NE1 គឺCL ផងដែរ។ យ៉ាងណាមិញ ព័ត៌មានផ្លូវការផ្សេងៗ ទាក់ទងនឹងដំណឹងនេះ នឹងត្រូវប្រកាសបន្ថែម នៅថ្ងៃទី២៨ខែកញ្ញា ពីរថ្ងៃខាងមុខនេះ។

គួរបញ្ជាក់ឲ្យដឹង ផងដែរថា WEVERSE គឺជាកម្មវិធីapp មួយដែលបង្កើតឡើង និងគ្រប់គ្រង់ដោយ ផលិតកម្ម Big Hit ផ្ទាល់ដែលapp នេះភាគច្រើនត្រូវបានប្រើ ក្នុងដំណើរការផ្សព្វផ្សាយ និងទំនាក់ទំនងជាមួយអ្នកគាំទ្រ របស់តារានៅក្នុង ក៏ដូចជានៅក្រោម ការគ្រប់គ្រង់របស់ ផលិតកម្មBig Hit ទាំងអស់៕