ប្រធានក្លិបលោក Enrique Cerezo បានបញ្ជាក់ថា Atletico Madrid បានច្រានចោលសំណើចំនួន ៨៥ លានផោនពីក្លិប Manchester City សម្រាប់ខ្សែការពារឆ្នើមរបស់ខ្លួន Jose Gimenez ។ Jose Gimenez ដែលមានវ័យត្រឹមតែ ២៥ ឆ្នាំត្រូវបានផ្សារភ្ជាប់យ៉ាងខ្លាំងជាមួយនឹងការផ្លាស់ទៅកាន់ក្រុមមេឃខៀវ Manchester City ហើយបើយោងតាមសារព័ត៌មាន AS របស់អេស្ប៉ាញបានរាយការណ៍កាលពីដើមខែនេះថា Atletico Madrid បានបដិសេធសំណើរក្នុងកញ្ចប់ទឹកប្រាក់ដ៏ច្រើនពីសំណាក់ក្លិបយក្សនៅក្របខ័ណ្ឌ Premier League មួយនេះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សប្រធានក្លិប AT លោក Cerezo បានបញ្ជាក់ថាក្លិបរបស់យើងបានទទួលសំណើរពី Man City ប៉ុន្តែក្រុមលោកចង់រក្សាខ្សែការពារឆ្នើមខាងលើ ដែលទើបតែបានធ្វើតេស្តរកឃើញមានផ្ទុកមេរោគវីរុសកូវីដ-១៩ កាលពីថ្ងៃច័ន្ទកន្លងទៅ។
គួរបញ្ជាក់ផងដែរថាខ្សែការពារអន្តរជាតិសញ្ជាតិអ៊ុយរូហ្គាយរូបនេះ បានចូលរួមជាមួយ Atletico Madrid កាលពីឆ្នាំ២០១៣ ផ្ទេរមកពីក្លិប Danubio ហើយអំឡុងប្រកបអាជីព ៧ឆ្នាំមកនេះ Gimenez បានក្លាយជារនាំង និងកម្លាំងដ៏សំខាន់មួយរបស់ AT ដោយបង្ហាញបាន ១៩១ប្រកួត រកបាន ៨គ្រាប់៕
ប្រភព៖ Goal