ភ្នំពេញ៖ កញ្ញា ផេន ខេត ជាតារាស្រីភេទទី៣ ពូកែកំប្លែង និងសម្តីមិនចេះរីងស្ងួត គឺកាន់តែទទួលបានប្រជាប្រិយភាពខ្លាំងពីសំណាក់អ្នកគាំទ្រជាច្រើន បន្ទាប់ពីនាងក្លាយជាពិធីការិនីប្រចាំកម្មវិធីដ៏ល្បីល្បាញ 3FUN Cambodia។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយបើនិយាយពីការតុបតែងខ្លួនវិញ ផេន ខេត តែងតែលេងខ្លួនជាមួយនឹងសម្លៀកបំពាក់ប្លែកៗមិនចេះជាន់ម៉ូដគ្នាឡើយ។ តួយ៉ាង មួយរយៈចុងក្រោយនេះ បន្ទាប់ពីនាងបានវះកាត់ កែសម្ជស្សមក សង្កេតឃើញថា នាងកាន់តែមានភាពទាក់ទាញ និងស្រស់ស្អាតទោះបីជានាងធាត់ និងមាឌធំបន្តិចមែន។
ជាក់ស្តែងកាលពីប៉ុន្មានម៉ោងមុននេះ ស្រាប់តែផេកផ្លូវការរបស់កម្មវិធី 3FUN Cambodia បានធ្វើការបង្ហោះរូបមួយសន្លឹកអំឡុងពេលដែល ផេកខេត កំពុងមានអការៈមិនស្រួលខ្លួនក្នុងម៉ោងការងារ ថែមទាំងសរសេរយ៉ាងដូច្នេះហើយ “ផេនខេក ត្រូវដឹកទៅពេទ្យពាក់កណ្តាលទី ពេលកំពុងថត 3Fun ! មានហេតុផលពីក្រោយរឿងនេះ នឹងលាតត្រដាងប្រាប់ទស្សនិកជនឆាប់ៗនេះ! សុំទោស សប្តាហ៍នេះ អត់មានផេនខេកទេ!! មិនមែន Prank ទេ អាចចូលមើលខមិន ដើម្បីមើលរូប ផេនខេក នៅពេទ្យ!! អរគុណ ផេនខេក ដែលទោះអត់ស្រួលខ្លួនយ៉ាងណា ក៏នៅតែប្រឹង តែស៊ូទៅមុខមិនរួច ត្រូវសម្រេចដឹកទៅពេទ្យ ភ្លាមៗ” ។
សម្រាប់រឿងរ៉ាវ និងមូលហេតុពិតប្រាកដ ដែលនាំឲ្យតារាកំប្លែងស្រី ផេនខេត ចូលមន្ទីរពេទ្យភ្លាមៗនេះ
នៅមិនទាន់ដឹងការពិតនៅឡើយទេ សូមរង់ចាំការបកស្រាយពីម្ចាស់សាម៉ីខ្លួន៕
សូមទស្សនារូបភាពខាងក្រោមនេះ៖