កាលីហ្វ័រញ៉ា៖ អភិបាលរដ្ឋកាលីហ្វ័រនីញ៉ាលោក Gavin Newsom បានថ្លែងកាលពីថ្ងៃពុធថា រដ្ឋកាលីហ្វ័រញ៉ានឹងហាមឃាត់រាល់ការលក់រថយន្តប្រើសាំងនិងម៉ាស៊ូត ដែលនឹងចាប់ផ្តើមនៅឆ្នាំ ២០៣៥ ក្នុងគោលបំណងកាត់បន្ថយការបញ្ចេញឧស្ម័នពុល។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកាលីហ្វ័រញ៉ាត្រូវបានគេជឿជាក់ថា ជារដ្ឋដំបូងគេរបស់សហរដ្ឋអាមេរិក ដែលនឹងហាមឃាត់ការលក់រថយន្តប្រើសាំង និងរថយន្តប្រើម៉ាស៊ូត ដោយជំរុញពលរដ្ឋឱ្យងាកមកប្រើប្រាស់រថយន្តអគ្គិសនីវិញ។ ទន្ទឹមនឹងនេះលោក Gavin Newsom បានហៅវិធានការនេះថាជា “ ជំហានក៏មានឥទ្ធិពលបំផុត” សម្រាប់រដ្ឋកាលីហ្វ័រញ៉ា ដើម្បីអាចប្រយុទ្ធប្រឆាំងនឹងបញ្ហាប្រែប្រួលអាកាសធាតុ។
គួរជម្រាបដែរថា វិធានការស្រដៀងគ្នានេះក៏នឹងត្រូវធ្វើឡើងក្នុងប្រទេសមួយចំនួននៅទ្វីបអ៊ឺរ៉ុបដែរ ដោយក្នុងនោះរួមមាន អង់គ្លេសគ្រោងនឹងបញ្ឈប់ការលក់រថយន្តប្រើសាំងនិងម៉ាស៊ូត ក៏ដូចជារថយន្តកូនកាត់ថ្មីនៅឆ្នាំ ២០៣៥។ ចំណែកបារាំងក៏នឹងហាមឃាត់ការលក់រថយន្តប្រើសាំងនិងម៉ាស៊ូតនៅឆ្នាំ ២០៤០ផងដែរ៕