សុខភាព៖ ការភ្ញាក់ពីគេង ជាមួយអារម្មណ៍ស្រស់ស្រាយ គឺជារឿងដែលល្អខ្លាំងបំផុត សម្រាប់មនុស្សគ្រប់រូប ក្នុងការចាប់ផ្តើមថ្ងៃថ្មី ជាមួយការត្រៀមខ្លួន ក្នុងការដោះស្រាយភារិកិច្ច ឬកិច្ចការទៅដោយល្អ និងរលូនបានពេញមួយថ្ងៃ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកនឹងមិនអាច សម្រេចការងារបាន ទៅដោយល្អនោះទេ ប្រសិនបើអ្នកចាប់ផ្តើម មានអារម្មណ៍មិនល្អ នៅពេលព្រឹក ហើយអ្នកក៏នឹង នៅតែបន្តអារម្មណ៍មិនល្អនោះ ពេញមួយថ្ងៃ។ ចំណែកលទ្ធផលការងារ និងការសិក្សារបស់អ្នក ក៏នឹងមិនទទួលបានលទ្ធផល និងប្រសិទ្ធភាពខ្ពស់ ទៅតាមនោះដែរ។
មានមនុស្សមួយចំនួន តែងលើកឡើងថា ពួកគេនៅតែមានអារម្មណ៍ថា ងងុយដេកហើយ អស់កម្លាំងដដែល។ បើទោះបីជាពួកគេ ទើបតែងើបពីដំណេក នៅពេលព្រឹកក៏ដោយ។ ហើយពួកគេនៅតែ មានអារម្មណ៍ថា ហត់នឿយខ្លាំង និងមិនចង់ក្រោក ពីគេងទាល់តែសោះ។ ដូច្នេះ ថ្ងៃនេះ នឹងណែនាំនៅវិធីសាស្ត្រមួយចំនួន ដែលអាចជួយឲ្យ អ្នកភ្ញាក់ពីគេង ជាមួយអារម្មណ៍ស្រស់ស្រាយ បានពេញមួយថ្ងៃ។
សូមសាកល្បងជាមួយវិធីទាំងនេះដើម្បីទទួលបានលទ្ធផល៖
១. ផ្លាស់ប្តូរពូកគេង
ចាប់ផ្តើមថ្ងៃថ្មី ជាមួយការគេង ជាមួយពូក ដែលមានគុណភាពល្អ និងការរៀបចំបន្ទប់ ឲ្យមានរបៀបរៀបរយ។ ថ្វីត្បិត មនុស្សភាគច្រើន យល់ថាវាជារឿងតូចតាច ប៉ុន្តែការពិត ប្រសិនបើយើងបានគេង នៅលើពូកដែលល្អ នោះនៅពេលព្រឹកភ្ញាក់ឡើង អាចជួយឲ្យយើង មានអារម្មណ៍ថា ស្រស់ស្រាយជាងមុន។ មិនតែប៉ុណ្ណោះ វាក៏ធ្វើឲ្យយើងមានអារម្មណ៍ ធូរស្រាល ចំណែកខួរក្បាលរបស់យើង ក៏ត្រៀមរួចរាល់ ក្នុងការចាប់ផ្តើម នៅថ្ងៃថ្មីដែលស្រស់ស្រាយ បែបនេះជាមួយគ្នាដែរ។ មិនជឿមែនទេ? អាចសាកល្បដោយខ្លួនឯងបាន។
២. ទទួលទានទឹក
នៅពេលដែលយើង គេងគឺរាងកាយយើង មិនទទួលបាន នៅជាតិទឹកគ្រប់គ្រាន់នោះទេ។ ជាពិសេស មនុស្សស្រី ដែលគេង ក្នុងបន្ទប់មានប្រើម៉ាស៊ីនត្រជាក់ ឬក៏ដាក់កង្ហារ ពេញមួយយប់។ ដូច្នេះ រាងកាយរបស់យើង គឺត្រូវបានបាត់បង់ជាតិទឹក និងធ្វើឲ្យរាងកាយយើង ស្ងួតខ្លាំង។ ដូច្នេះ បន្ទាប់ពីភ្ញាក់ពីគេង ទទួលទានទឹក ដើម្បីទូទាត់សង ការបាត់បង់ជាតិទឹក ពេញមួយយប់ ក៏អាចជួយធ្វើឱ្យ រាងកាយរបស់អ្នក ស្រស់ស្រាយផងដែរ។ ម៉្យាងទៀត ទឹកក៏ជួយបញ្ចេញ កាកសំណល់និងធ្វើឱ្យ ប្រព័ន្ធរំលាយអាហារ ពេលព្រឹករបស់យើង កាន់តែប្រសើរផងដែរ។
៣. ធ្វើលំហាត់ប្រាណ
វាគ្រប់គ្រាន់ ក្នុងការចំណាយ៥ទៅ១០នាទី អ្នកមិនចាំបាច់ ចំណាយពេលច្រើនពេកនោះ។ អ្នកអាចធ្វើលំហាត់ប្រាណ ពុតខ្លួនធម្មតាៗ នៅពេលព្រឹក ពួកយើងមិនចាំបាច់ផ្តោតខ្លាំង លើការដុចជាតិខ្លាញ់នោះទេ។ ការធ្វើលំហាត់ប្រាណ នៅពេលព្រឹកគឺគ្រាន់តែជាការ ដាស់រាងកាយយើង ដោយការម៉ាស្សា ដើម្បីរួចរាល់ សម្រាប់ការទទួលយកថ្ងៃថ្មី ជាមួយភាពស្រស់ស្រាយ។ ព្យាយាមធ្វើលំហាត់ប្រាណ ធម្មតាៗដើម្បីជួយឲ្យរាងកាយយើង សម្រួលសរសៃបានល្អ នឹងមានអារម្មណ៍ស្រស់ស្រាយ បានពេញមួយថ្ងៃ។
៤. ទទួលទានអាហារពេលព្រឹក
អាហារពេលព្រឹក គឺពិតជាអាហារដែលសំខាន់ ជាងគេបំផុត ក្នុងចំណោមមនុស្សជាច្រើន។ ការដែលទទួលទាន អាហារពេលព្រឹក គឺជារឿងមួយដែល អ្នកមិនគួររំលងនោះទេ។ សម្រាប់មនុស្សភាគច្រើន នៅរាល់ព្រឹកគឺតែងជាម៉ោង ដែលប្រញាប់សម្រាប់ចេញ ទៅធ្វើការនិង រៀនសូត្រជាដើម ដែលជាហេតុ ធ្វើឲ្យពួកគេបង្ខំចិត្ត បំភ្លេចអាហារពេលព្រឹកចោល។ ដូច្នេះអ្នកគួរតែងើប ឲ្យបានលឿនបន្តិច នៅពេលព្រឹក ដើម្បីអាចមានពេលទទួលទាន អាហារពេលព្រឹកបានស្រួល។ នៅពេលដែលរាងកាយ និងខួរក្បាល ត្រូវបានចិញ្ចឹមដោយអាហារ ដែលជួយឲ្យមានសុខភាពល្អ និងត្រឹមត្រូវ នោះយើងនឹងមានអារម្មណ៍ ស្រស់ស្រាយ និងបង្កើនថាមពល ពេញមួយថ្ងៃផងដែរ៕
ប្រភព៖ Sanook, Sleepadvisor