មេដឹកនាំផ្តាច់ការកូរ៉េខាងជើង សុំទោសចំពោះការបាញ់សម្លាប់មន្ត្រីកូរ៉េខាងត្បូង​ម្នាក់

ព្យុងយ៉ាង៖ មេដឹកនាំផ្តាច់ការកូរ៉េខាងជើង លោក គីម ជុងអ៊ុន បានផ្ញើលិខិតមួយច្បាប់ទៅកាន់ប្រធានាធិបតីកូរ៉េខាងត្បូងលោក មូន ជេអ៊ីន ដើម្បីធ្វើការសុំទោសនិងសម្តែងការសោកស្តាយ ចំពោះទង្វើដ៏ខុសឆ្គងដោយ​បានបញ្ជាឱ្យបាញ់សម្លាប់​ និងដុតកម្ទេចសាកសពមន្រ្តីជលផល​កូរ៉េខាងត្បូងម្នាក់ ដែលព្យាយាមលួចឆ្លងដែន​ចូលប្រទេសកូរ៉េខាងជើង។

គួរជម្រាបដែរថា ទាហានកូរ៉េខាងជើង បានបាញ់សម្លាប់​មន្រ្តីជលផលកូរ៉េខាងត្បូង​កាលពីដើមសប្តាហ៍នេះ នៅក្បែរតំបន់ខ្សែបន្ទាត់ព្រំដែនទឹករវាងប្រទេសកូរ៉េទាំងពីរ។ ហើយមូលហេតុ​ដែលឈានដល់ការបាញ់សម្លាប់ និងដុតកម្ទេចសាកសពមន្រ្តីជលផល​វ័យ៤៧ឆ្នាំ​រូបនេះ គឺដោយសារលោក គីម ជុងអ៊ុន ​ចង់ទប់ស្កាត់មិនឱ្យមានការ​ចម្លងជំងឺកូវីដ១៩ ចូលមក​កូរ៉េខាងជើង៕