នៅក្មេងទេ តែពេល ល្អហួស គ្រងឈុតអប្សរាបែបនេះ ស្អាតដូចគំនូរ

ភ្នំពេញ៖ ជាការពិតណាស់ សម្រាប់អ្នកដែលនិយមលេងបណ្ដាញសង្គម ប្រាកដជាបានស្គាល់ ក្មេងស្រីឈ្មោះ ល្អហួស ត្រូវជាក្មួយស្រីបង្កើតរបស់អតីតតារាសម្ដែងស្រី ដេននី ក្វាន់ ដែលកន្លងមក នាងតូចអាចឆាបឆក់ចំណាប់អារម្មណ៍មនុស្សគ្រប់គ្នាឲ្យមានការពេញចិត្តជាមួយទម្រង់មុខដ៏ស្រស់ស្អាតរបស់នាងជាច្រើនផងដែរ។

ជាមួយគ្នានេះដែរ មកទល់នឹងពេលបច្ចុប្បន្ន ក្មេងស្រីរូបនេះ កាន់តែមានវ័យធំជិតពេញក្រមុំ ហើយស្អាតឡើងពីមួយថ្ងៃទៅមួយថ្ងៃគួរឲ្យកត់សម្គាល់ ពិសេសនៅពេលដែលនាងតូច បង្ហាញខ្លួនតាមបណ្ដាញសង្គមម្ដងៗ នាងត្រូវបានមហាជនលាន់មាត់សរសើរ អំពីទេពកោសល្យសិល្បៈរបស់នាង ក៏ដូចជាការលេងខ្លួន ប្លែកៗ ស្អាតលេចធ្លោជាញឹកញាប់។

ជាក់ស្ដែង ថ្មីៗនេះ ល្អហួស ក៏ទើបតែបានបង្អួតសម្រស់របស់ខ្លួនសាជាថ្មី ជាមួយរូបភាពជាច្រើនសន្លឹក ដោយលើកនេះ នាងតូច បានបង្ហាញអំពីការតុបតែងខ្លួន ជាមួយនឹងការគ្រងសម្លៀកបំពាក់បែបុរាណ តុបតែងជានាងអប្សរា សម្ដែងកាយវិការទន់ភ្លន់រស់រវើក បូករួមនិងការរៀបចំគ្រឿងប្រដាប់នានាយ៉ាងល្អប្រណីតថែមទៀតនោះ មើលទៅ ល្អហួស  ពិតជាសាកសម ស្រស់ស្អាតប្រៀបប្រដូចទៅនឹងគំនូរយ៉ាងដូច្នោះ។ ខណៈពេលនេះ នាងតូចរូបនេះ ទើបតែមានវ័យនៅក្មេងនៅឡើយក៏ពិតមែន ប៉ុន្តែសម្រាប់រូបភាពដ៏ទាក់ទាញអស់ទាំងនោះ ក្មេងស្រីរូបនេះ ត្រូវបានអ្នកគាំទ្រ មានការពេញចិត្ត និងបានពោលពាក្យសរសើរជាហូរហែរផងដែរ៕

ទស្សនារូបភាពខាងក្រោម៖