ឆ្នាំនេះលេងមួយអស់ដៃ! លី ម៉ារីណា ធ្វើខួបកំណើតកូនប្រុស យ៉ាងអធិកអធម តារាៗចូលរួមព្រាត

ភ្នំពេញ៖ តារាសម្ដែងស្រីជើងចាស់អ្នកនាង លី​ ម៉ារីណា បច្ចុប្បន្ន តារារូបនេះកាន់តែទទួលបានប្រជាប្រិយភាពខ្លាំងឡើងៗពីមួយឆ្នាំទៅមួយឆ្នាំ ដោយសារនាងមានសមត្ថភាពខ្ពស់អាចទាក់ទាញចំណាប់អារម្មណ៍ពីមហាជនបានយ៉ាងច្រើន។ មិនត្រឹមតែប៉ុណ្ណោះ បើទោះបី ធ្លាប់ផ្អាកពីសិល្បៈមួយរយៈធំកន្លងមកក៏ពិតមែន តែក្រោយចូលប្រឡូកលើវិថីសិល្បៈវិញ នាងនៅតែអាចក្ដោបក្ដាប់បាននៅតំណែងជាតួសំខាន់ៗ ហើយមានការងារច្រើនមុនថែមទៀតផង។

យ៉ាងណាមិញ បើងាកមកមើលពីជីវិតឯកជន អ្នកនាង លី ម៉ារីណា នាពេលនេះវិញ តារាស្រីសាច់សខ្ចីរូបនេះ ក៏បានរៀបការបង្កើតកូនរួចរស់នៅយ៉ាងមានសុភមង្គលពេញដោយក្ដីសុខតែម្ដង។ ក្នុងនោះដែរ កាលពីយប់មិញនេះ តារាសម្ដែងរូបនេះ បានប្រារព្ធធ្វើពិធីខួបកំណើតជូនដល់កូនប្រុសវ័យ ៦ឆ្នាំយ៉ាងអធិកអធម ព្រមទាំងរៀបចំដេគ័របានយ៉ាងស្រស់ស្អាត លើសពីនេះទៅទៀត អ្នកម៉ាក់រូបនេះ បានរៀបចំខ្លួនយ៉ាងស្រស់ឆើតឆាយគួរឲ្យចាប់អារម្មណ៍ខ្លាំង។

នៅក្នុងពិធីខួបកំណើតកូនប្រុសអ្នកនាង លី ម៉ារីណា យប់មិញនេះ យើងក៏ឃើញនៅវត្តមានសិល្បករ សិល្បការិនីដ៏ល្បីៗជាច្រើនរូប បានអញ្ជើញមកចូលរួមអបអរសាទរផងដែរ។ ម្យ៉ាងវិញទៀត ក្រោយឃើញនៅវត្តមានភ្ញៀវអញ្ជើញមកចូលរួមច្រើនយ៉ាងដូច្នេះ តារាស្រីរូបនេះ បានបង្ហាញនៅស្នាមញញឹម យ៉ាងសប្បាយរីករាយ រួសរាយរាក់ទាក់ទៅកាន់ភ្ញៀវថែមទៀតផង។ តែអ្វីដែលយើងសម្គាល់ឃើញនោះ គឺមិនមានវត្តមានស្វាមីនាងនៅក្នុងពិធីខួបកំណើតកូនប្រុសឆ្នាំនេះនោះទេ ដោយស្វាមីតារារូបនេះជាប់ការងារនៅឯក្រៅប្រទេសផងដែរ៕

សូមទស្សនារូបភាពខាងក្រោម៖