ភ្នំពេញ៖ សម័យកាលបច្ចេកវិទ្យាកាន់តែដើរទៅមុខពីមួយថ្ងៃទៅមួយថ្ងៃ ធ្វើឱ្យមនុស្សកាន់តែមានភាពប្រសើរឡើងក្នុងការទទួលយកនូវតម្រូវការផ្សេងៗពីប្រព័ន្ធឌីជីថល។ ជាក់ស្តែង បើនិយាយពីការចង់ស្តាប់ចម្រៀងនៅពេលដែលពុំទាន់មានបណ្តាញសង្គម Facebook និង Youtube វិញ គឺយើងត្រូវតែទៅទិញ CD ឬកាសែតចម្រៀងជាមុនសិន ដើម្បីយកមកចាក់ស្តាប់កម្សាន្តអារម្មណ៍។ ប៉ុន្តែនាពេលប៉ុន្មានឆ្នាំចុងក្រោយនេះ សង្កេតឃើញថា ផលិតកម្មចម្រៀងធំៗដូចជា៖ ហង្សមាស សាន់ដេ និងថោន ជាដើម កាន់តែកាត់បន្ថយការផលិត CD និង VCD តិចទៅៗមិនដូចមុនឡើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សដោយឡែក លោក យឹម តាស្រង់ អ្នកគ្រប់គ្រងទូទៅរបស់ផលិតកម្ម Galaxy Navatra វិញ លោកធ្លាប់បញ្ជាក់ប្រាប់ទៅកាន់អ្នកគាំទ្រផលិតកម្មលោកថា ផលិតកម្ម Galaxy Navatra នឹងមិនមានការចេញលក់ជា CD និង VCD នោះទេ ដោយប្រភពចំណូលពីបទចម្រៀងទាំងអស់គឺពឹងផ្អែកទៅលើការ view ពី Youtube និងការផ្សព្វផ្សាយពាណិជ្ជកម្មនៅលើបទចម្រៀងនីមួយៗ។
យោងទៅតាមការលើកឡើងរបស់ លោក យឹម តាស្រង់ បើទោះជាមិនមានការបញ្ជាក់ពីមូលហេតុដូចគ្នានេះពីសំណាក់ផលិតកម្មផ្សេងៗទៀត ក៏យើងអាចសន្និដ្ឋានបានថា ប្រភពចំណូលពីការលក់ឌីសនាពេលបច្ចុប្បន្ន វាមិនមែនជាគោលដៅដែលផលិតកម្មនីមួយៗចង់បានដូចនឹងចំណូលពី Youtube និង Sponsor ផ្សេងៗឡើយ៕
សូមទស្សនារូបភាពខាងក្រោម៖