មកដឹង Dembele ឆ្លើយតបយ៉ាងម៉េចខ្លះជុំវិញរឿងដែលថា Man UTD និង Liverpool ចង់បានរូបគេទៅរួមក្រុម

បរទេស៖ បើតាមរបាយការណ៍បានឲ្យដឹងថាមួយរយៈពេលចុងក្រោយនេះក្លិប Manchester United បានដាក់សំណើទៅកាន់ក្លិប Barcelona ដើម្បីទិញយកកីឡាករ Ousmane Dembele មករួមក្រុម ជំនួសឲ្យការទិញកីឡាករ Jadon Sancho របស់ក្លិប Borussia Dortmund​ ។ 

ហើយក្រៅពី Man UTD នៅមានក្លិបយក្សរបស់អង់គ្លេសមួយទៀតដែលចង់បាន Dembele ទៅរួមក្រុមដែរនោះគឹក្លិបហង្សក្រហម Liverpool ។ ដោយឡែកនិយាយក្នុងកិច្ចសម្ភាសន៍ថ្មីៗនេះ Dembele បានបង្ហាញជំហថារូបគេមិនទាន់ចង់ចាកចេញពី Barcelona នៅឡើយទេ មានន័យថាកីឡាកររូបនេះមានបដិសេធសំណើរបស់ក្លិបយក្សនៅ Premier League ទាំងពីរនោះហើយ។

គួរឲ្យដឹងដែរថាបន្ទាប់ពីមានរបួសជាច្រើនលើកច្រើនសា នៅក្នុងរដូវកាល២០១៩/២០ កន្លងមក លោកគ្រូបង្វឹក Ronald Koeman សង្ឃឹមថា Dembele នឹងបង្ហាញទម្រង់លេងបានល្អឡើងវិញនៅក្នុងរដូវកាលថ្មីនេះ៕ 

ប្រភព៖ metro