ថៃ៖ ជាការពិតណាស់ ថ្ងៃមង្គលរបស់តារាសម្ដែង Koi Rachawin និង Toon Bodyslam គឺនៅបាំងតែជាងពីរខែទៀតប៉ុណ្ណោះ ដែលត្រូវនឹងថ្ងៃទី ២៨ ខែ វិច្ឆិកា ឆ្នាំ ២០២០ ដែលជាថ្ងៃគូស្នេហ៍តារាមួយគូនេះ ចូលរោងការជាមួយគ្នា ក្រោយពួកគេសេពគប់មើលចិត្តគ្នាជាយូរមកហើយនោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះផងដែរ ខណៈថ្ងៃរៀបការកាន់តែខិតជិតមកដល់ យើងឃើញថា Koi និង Toon ហាក់មានភាពល្អូកល្អើននឹងគ្នាខ្លាំងឡើងៗពីមួយថ្ងៃទៅមួយថ្ងៃ គួឲ្យកត់សម្គាល់ ពិសេសនៅពេលដែលពួកគេបង្ហាញមុខជាមួយគ្នានៅតាមបណ្ដាញសង្គមម្ដងៗ អ្នកគាំទ្រស្ទើរតែលើសជាតិស្ករជាមួយនឹងសកម្មភាពស្វីតៗរបស់គូនេះ។
ទន្ទឹមនឹងនេះទៀតសោត កាលពីប៉ុន្មានថ្ងៃចុងក្រោយនេះ អនាគតប្ដីប្រពន្ធដ៏សាកសមមួយគូនេះ ទើបតែបានបង្ហោះរូបភាពថ្មីៗនៅលើគណនី IG របស់ពួកគេ ក្នុងដំណើរកម្សាន្តនាមាត់សមុទ្រ ដោយក្នុងនោះ ពួកគេបានតុបតែងខ្លួនស្អាតៗសមគ្នាខ្លាំងមែនទែន ហើយគេថែមទាំងបានបង្ហាញកាយវិការអោបថើបកៀកកើយគ្នាស្វីតៗ យ៉ាងមានក្ដីសុខ បង្អួតដល់ឲ្យអ្នកគាំទ្រ ដែលតាមរយៈរូបភាពជាច្រើនសន្លឹកទាំងនោះ អ្នកគាំទ្របានឃើញហើយ នាំគ្នាលួចច្រណែនគ្រប់គ្នា តែយ៉ាងណា ក្នុងនាមជាអ្នកគាំទ្រ គេក៏មិនភ្លេចពោលពាក្យសរសើរអំពីចំណងស្នេហ៍ដ៏ផ្អែមល្ហែមពួកគេជាហូរហែរផងដែរ៕
ទស្សនារូបភាពខាងក្រោម៖