មិនមើលនឹងភ្នែក ឃើញកូនជួបបញ្ហា ម្ដាយ Mike សុខចិត្តលះបង់លក់ឡានជួយកូន

ថៃ៖ នៅតែជារឿងរ៉ាវ ដែលហ្វេនៗជាច្រើន រង់ចាំតាមដាន ចំពោះភាគីទាំងពីររវាង តារាសម្ដែងប្រុស លោក Mike Pirat និង អតីតគូស្នេហ៍ នាង Sara ដែលមានបញ្ហាជាច្រើន ក្នុងពេលដែលមនុស្សមួយចំនួន បានសម្លឹងឃើញថា ខាងស្រីកំពុងតែត្រូវការប្រាក់មួយចំនួន ដែលក្នុងខណៈពេលនេះ ប្រាក់ចំណូលរបស់ Mike ក៏ត្រូវបានកាត់បន្ថយដោយសារតែ ផលប៉ះពាល់នៃជំងឺ COVID-19 ។

ប៉ុន្តែ ថ្មីៗនេះ ស្រាប់តែមានរឿងដ៏គួរចាប់អារម្មណ៍ ក្នុងពេលដែល ប្រាក់ចំណូលរបស់ Mike កំពុងតែមានការធ្លាក់ចុះ ដូច្នេះហើយ អ្នកស្រី Tuk ដែលជាម្ដាយរបស់​ Mike បានចេញមកបង្ហោះសារមួយនៅលើបណ្ដាញសង្គម ព្រមជាមួយនឹងរូបភាពនៅក្នុងពិធីជប់លៀងខួបកំណើតរបស់អ្នកស្រី នៅឆ្នាំ ២០១៨ ដែលនៅក្នុងនោះ លោក Mike បានទិញរថយន្តម៉ាក Porsche Cayman ក្នុងតម្លៃ ៧ លានបាត (ស្មើនឹង ២២ ម៉ឺនដុល្លាអាមេរិក) ទុកជាកាដូដល់អ្នកម្ដាយ តែនៅក្នុងការបង្ហោះនេះ អ្នកស្រីបានបង្ហាញថា អ្នកស្រីកំពុងតែបានត្រៀមលក់ឡានមួយនេះ ដើម្បីយកលុយទៅឲ្យ Mike វិញ ដោយសារ ឃើញកូនប្រុសរបស់ខ្លួនកំពុងតែជួបការលំបាក។ 

ម៉្យាងវិញទៀត នៅក្នុងសារបង្ហោះនោះ អ្នកស្រីបាននិយាយថា៖  

ទន្ទឹមនឹងសារបង្ហោះមួយនេះ ក៏មានការចូលចិត្ត និងការគាំទ្រ ពីហ្វេនៗជាច្រើន ដើម្បីលើកទឹកចិត្តឲ្យគ្នាទៅវិញទៅមក ជាពិសេស ពួកគេ ក៏បានសរសើរពីម្ដាយរបស់ Mike ដែលជាម្ដាយដ៏ល្អម្នាក់ ដែលតែងតែជួយកូន និងផ្ដល់ក្ដីស្រលាញ់ឲ្យកូនជានិច្ច៕

សូមទស្សនារូបភាពខាងក្រោម៖