អាប៊ូសា៖ អាជ្ញាធរនីហ្សេរីយ៉ារាយការណ៍ថា មនុស្សយ៉ាងហោចណាស់ ២៨នាក់ បានស្លាប់​បាត់បង់ជីវិតនៅពេលដែល​រថយន្តដឹកប្រេងមួយ ​បុករះជាមួយរថយន្ត​ផ្សេងទៀត ហើយបង្កជាអគ្គីភ័យឆាបឆេះឡើងយ៉ាងសន្ធោសន្ធៅ។ ហេតុការណ៍នេះបានកើតឡើងកាលពីព្រឹកថ្ងៃពុធ នៅលើកំណាត់ផ្លូវធំក្នុងទីក្រុងឡូកូចា (Lokoja) គឺដោយសារ​រថយន្តដាច់ហ្វ្រាំង។

មនុស្សយ៉ាងតិច ២៨នាក់បានស្លាប់

យោងតាម​ពលរដ្ឋដែលឃើញហេតុការណ៍នេះក៏បានឱ្យដឹងដែរថា​ អ្នកស្លាប់ភាគច្រើនគឺអ្នកដំណើរថ្មើរជើង ដោយក្នុងនោះរួមទាំងនិស្សិត​ដើរឆ្លង​ផ្លូវដើម្បីទៅមហាវិទ្យាល័យ ចំណែកមនុស្សមួយចំនួនទៀត ស្លាប់នៅក្នុងរថយន្ត។

កុមារជាច្រើននាក់ ក៏បានស្លាប់ក្នងហេតុការណ៍នេះដែរ

គួរជម្រាបដែរថា គ្រោះថ្នាក់ចរាចរណ៍ដែលកើតឡើងជាទូទៅនៅក្នុងប្រទេសនីហ្សេរីយ៉ា គឺបណ្តាល​មកពីស្ថានភាពផ្លូវមិនល្អ និងមិន​មានស្តង់ដារសុវត្ថិភាព​។ ហើយកាលពីខែ​មិថុនាកន្លងទៅ ហេតុការណ៍ដូចគ្នានេះ ក៏បានកើតឡើងដែរ ដែលបណ្តាលឱ្យមនុស្សយ៉ាងតិច ៤នាក់ស្លាប់៕

 ហេតុការណ៍នេះបានកើតឡើងកាលពីព្រឹកថ្ងៃពុធ នៅលើកំណាត់ផ្លូវធំក្នុងទីក្រុងឡូកូចា

សូមទស្សនាវីដេអូខាងក្រោម៖

វីដេអូ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

ចង់ក្លាយជាអ្នកសរសេរក្រៅម៉ោងមានប្រាក់ចំណូលសូមចុះឈ្មោះទីនេះ