ថៃ៖ គឺជាពេលវេលាដ៏រីករាយបំផុត សម្រាប់តារាសម្ដែងស្រី Mew Nittha នៅក្នុងពេលខួបកំណើតគម្រប់ ៣០ ឆ្នាំ របស់នាង នៅក្នុងឆ្នាំនេះ មិនត្រឹមតែមានស្វាមីបណ្ដូលចិត្ត បានរៀបចំឲ្យយ៉ាងកក់ក្ដៅនោះទេ ផ្ទុយទៅវិញ ថែមទាំងមាន មិត្តៗជិតស្និទ្ធរបស់នាងនៅក្នុង រង្វង់សិល្បៈ ដែលបានមករៀបចំអបអរខួបកំណើតឲ្យនាង យ៉ារីករាយ ផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សយ៉ាងណាមិញ ក្នុងចំណោម មិត្តៗទាំងនោះ មិនមានអ្នកណាឆ្ងាយទេ ក្រៅអ្នកនៅក្នុងក្រុម Furby Gang ដែលមានដូចជា Taew Natapohn Matt Peeranee និង Toey Jarinporn ដែលបានមករៀបចំជប់លៀងអបអរខួបកំណើតឲ្យ Mew កាលពីម្សិលមិញនេះ នៅក្នុងភោជនីយដ្ឋានមួយកន្លែង ដើម្បីទទួលអាហារជប៉ុន ទាំងអស់គ្នា។
ប៉ុន្តែ អ្វីដែលធ្វើឲ្យហ្វេនៗជាច្រើន ផ្ទុះការចាប់អារម្មណ៍បំផុតនៅក្នុងការរៀបចំខួបកំណើតរបស់ Mew នោះគឺ មានតារាស្រី ២ ដួង Taew ដែលបានមកជាមួយនឹងគូស្នេហ៍ លោក Pranai ព្រមទាំង Matt ដែលបានមកជាមួយនឹងគូស្នេហ៍បណ្ដូលចិត្ត លោក Songkran ដោយគូស្នេហ៍ទាំង ២គូនេះ បានបង្ហាញភាពផ្អែមល្ហែម និងភាពស្និទ្ធស្នាលយ៉ាងខ្លាំង ព្រមជាមួយនឹងស្នាមញញឹមយ៉ាងមានក្ដីសុខ ជាមួយនឹងគូស្នេហ៍រៀងៗខ្លួន ដែលនៅក្នុងឱកាសនេះ ពិតជាធ្វើឲ្យហ្វេនៗមិនតិចនាក់ឡើយ កាន់តែរំភើបជំនួស ជាមួយនឹងតារាស្រីទាំង ២ រូបនេះ ៕
សូមទស្សនារូបភាពខាងក្រោម៖