ជឿថាពូសុីអាចធ្វើបាន! Messi ចង់បំបែកកំណត់ត្រា៤បន្ថែមទៀតសម្រាប់រដូវកាលថ្មីនេះ

បរទេស៖ បើតាមគេហទំព័រ Sport របស់អេស៉្បាញបានឲ្យដឹងថាកំពូលខ្សែប្រយុទ្ធ Lionel Messi មានគម្រោងបំបែកកំណត់ត្រាចំនួន៤ជាមួយក្លិប Barcelona នៅរដូវកាលថ្មី២០២០/២១នេះ។ ហើយកំណត់ត្រាទាំងនោះមានដូចជា៖

• កីឡាករដែលបង្ហាញខ្លួនឲ្យ Barcelona បានច្រើនប្រកួតជាងគេ

បច្ចុប្បន្នកំណត់ត្រាមួយនេះកាន់ដោយលោក Xavi ដែលបង្ហាញខ្លួនឲ្យ Barcelona បានលើសគេចំនួន៧៣១ប្រកួត។ ចំណែកឯ Messi បង្ហាញខ្លួនឲ្យ Barca បាន៧៣១ប្រកួតហើយគិតមកដល់ពេលនេះ។

• កីឡាករដែលស៊ុតបញ្ចូលទីបានច្រើនជាងនៅក្នុងក្លិបអាជីពមួយ

កំណត់ត្រានេះកំពុងតែកាន់ដោយលោក Pele ដែលរកបាន៦៤៣គ្រាប់ឲ្យក្លិប Santos រីឯ Messi វិញកំពុងរកបាន៦៣៤គ្រាប់ឲ្យ Barcelona ។

• កីឡាករដែលបង្ហាញខ្លួនបានច្រើនរដូវកាលជាងគេឲ្យ Barcelona 

លោក Carles Rexach និង Xavi កំពុងតែកាន់កំណត់ត្រាមួយនេះ ពោលពួកគេបង្ហាញខ្លួនឲ្យ Barca បាន១៧រដូវកាល។ ចំណែករដូវកាល២០២០/២១នេះនឹងក្លាយជារដូវកាលទី១៧របស់ Messi ជាមួយ Barca ដែរហើយ។ 

• កីឡាករដែលឈ្នះពានបានច្រើនជាងគេនៅក្នុងក្លិបអាជីពមួយ

អតីតតារាឆ្នើមរបស់ក្លិប Manchester United លោក Ryan Giggs កំពុងតែកាន់កំណត់ត្រាមួយនេះ ដោយឈ្នះបានសរុបចំនួន៣៦ពាន។ រីឯ Messi ឈ្នះបាន៣៤ពានជាមួយក្លិប Barcelona ហើយរដូវកាលថ្មីនេះជាឱកាសរបស់តារាវ័យ៣៣ឆ្នាំក្នុងការបំបែកកំណត់ត្រារបស់ Giggs ៕

ប្រភព៖ givemesport