បរទេស៖ អនាគតរបស់កីឡាករ Emerson Palmieri ជាមួយក្លិបតោខៀវ Chelsea កាន់តែមានភាពស្រពេចស្រពិលហើយ ក្រោយក្លិបលោក Frank Lampard ទិញបានខ្សែការពារឆ្នើម Ben Chilwell ពីក្លិប Leicester City នោះ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សហើយនៅប៉ុន្មានសប្តាហ៍ចុងក្រោយនេះមានក្លិបពីរកំពុងប្រជែងគ្នាចង់ទិញយករូបគេទៅរួមក្រុម ពោលគឺក្លិប Inter Milan និង West Ham ។ ដោយឡែកនៅពេលនេះក្លិបសេះបង្កង់ Juventus កំពុងតែត្រៀមខ្លួនចូលប្រជែងទិញយកជម្រើសជាតិអ៊ីតាលីរូបនេះទៅលេងនៅលីគកំពូល Serie A ដែរហើយ។
ហើយបើតាមរបាយការណ៍របស់កាសែត La Gazzetta dello Sport បានឲ្យដឹងថាលោកគ្រូបង្វឹក Andrea Pirlo ចង់បានរូបគេទៅជំនួសកន្លែងរបស់កីឡាករ Alex Sandro ដែលកំពុងមានរបួស។ ក្នុងនោះដែរ Juventus អាចនឹងដាក់សំណើខ្ចីជើងកីឡាករវ័យ២៦ឆ្នាំរូបនេះមួយរដូវកាលសិន មុនពេលសម្រេចចិត្តទិញផ្តាច់កុងត្រាពី Chelsea ។
គួរឲ្យដឹងដែរថាចាប់តាំងពីផ្លាស់ចេញពី Roma មកចូលរួមជាមួយ Chelsea នៅក្នុងឆ្នាំ២០១៨មក Emerson បង្ហាញខ្លួនបានតែ៥៥ប្រកួតប៉ុណ្ណោះ ដោយនៅសល់កុងត្រាជាមួយក្លិបលោក Frank Lampard ចំនួន២រដូវកាលទៀត៕
ប្រភព៖ sportsmole