តៃវ៉ាន់៖ ទោះជាមានវ័យកាន់តែជ្រេ តែសម្រាប់តារាចម្រៀងប្រុសដ៏ល្បីឈ្មោះ លោក Jay Chou គឺតែងតែស្ថិតនៅក្នុងលំដាប់កំពូល ក្នុងចំំណោមសិល្បករដទៃទៀត ព្រមទាំងមានការគាំទ្រយ៉ាងពេញទំហឹង ពីទស្សនិកជន ដែលអាចធ្វើឲ្យលោកមានភាពជោគជ័យ និងអាចរកប្រាក់ចំណូលបានយ៉ាងច្រើនផងដែរ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ ត្រូវបានអ្នកលេងបណ្ដាញសង្គមជាច្រើន បានជ្រាបច្បាស់ពី ទ្រព្យសម្បត្ដិយ៉ាងច្រើនសន្ធឹកសន្ធាប់របស់តារាប្រុសរូបនេះ ដែលមានការបើកបង្ហាញរូបភាពចាស់ៗមួយចំនួន ធ្វើឱ្យមហាជន មានភាពភ្ញាក់ផ្អើលយ៉ាងខ្លាំង ជាមួយនឹងព័ត៌មានដែលបាននិយាយថា លោកបានចំណាយប្រាក់ ៦៦០ លានដុល្លាតៃវ៉ាន់ (ស្មើនឹង ២២ លានដុល្លាអាមេរិក) ដើម្បីទិញអាផាតមិនមួយកន្លែង ជាទីតាំងទី ២ នៅឯតៃវ៉ាន់ ព្រមទាំងអាចមើលឃើញទេសភាព ៣៦០ ដឺក្រេនៃទីក្រុងTaipei តែម្ដង ជាពិសេស លោកក៏ធ្លាប់បានចែករំលែករូបថត ប្រពន្ធនិងកូន ៗ របស់លោកនៅក្នុងអាផាតមិននេះ នៅលើបណ្ដាញសង្គម ថែមទៀតផង។
មិនត្រឹមតែប៉ុណ្ណោះ ដោយយោងតាមព័ត៌មានបានឲ្យដឹងទៀតថា លោក Jay Chou បានបន្តចំណាយប្រាក់ ២០ លានដុល្លារតៃវ៉ាន់ (ស្មើនឹង ៦៨៧ ពាន់ ដុល្លាអាមេរិក) ដើម្បីតុបតែងនៅផ្នែកខាងក្នុងបន្ថែមទៀត ដែលត្រូវបានរចនាឡើងជាចម្បង ជាមួយនឹងពណ៌ស ព្រមទាំងមានគ្រឿងសម្ភារៈប្រើប្រាស់ប្រណីតៗ ដែលធ្វើឲ្យផ្ទៃនៃបរវេណនៅខាងក្នុងទាំងមូល គួរឲ្យចង់គយគន់ ដែលមើលទៅពិតជាដូចនៅសណ្ឋាគារលំដាប់បេះបិទ៕
សូមទស្សនារូបភាពខាងក្រោម៖