ញូដេលី៖ មេបញ្ជាការកងយោធាឥណ្ឌានិងចិន បានព្រមព្រៀងគ្នាដើម្បីបញ្ឈប់ការបញ្ជូនកងទ័ពបន្ថែមទៀត ទៅកាន់តំបន់ព្រំដែនជម្លោះនៅតាមជួរភ្នំហិម៉ាឡៃ បន្ទាប់ពីមានកិច្ចពិភាក្សាកម្រិតខ្ពស់រវាងប្រទេសទាំងពីរអស់ជាច្រើនលើកច្រើនសារួចមក។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សភាពតានតឹងរវាងប្រទេសយក្សអាស៊ីនេះ បានកើនឡើងកំដៅខ្លាំងបំផុត បន្ទាប់ពីមានការប៉ះទង្គិចគ្នាដ៏សាហាវឃោរឃៅនៅតំបន់ជួរភ្នំ Ladakh ក្បែរព្រំដែនកាលពីថ្ងៃទី ១៥ ខែមិថុនា ដោយក្នុងនោះកងទ័ពភាគីទាំងសងខាង បានស្លាប់និងរងរបួសជាច្រើននាក់។
យោងតាមសេចក្តីថ្លែងការណ៍របស់ទីបញ្ជាការយោធាឥណ្ឌាបានឱ្យដឹងថា កិច្ចព្រមព្រៀងនេះគឺតម្រូវឱ្យភាគីចិន-ឥណ្ឌា ត្រូវបញ្ឈប់ការបញ្ជូនទ័ពទៅតបន់ព្រំដែនជម្លោះ និងចៀសវាងការផ្លាស់ប្តូរស្ថានភាពជាឯកតោភាគី រួមទាំងចៀសវាងការចាត់វិធានការណាមួយ ដែលអាចបង្កភាពស្មុគស្មាញដល់ស្ថានភាពនៅក្នុងតំបន់ផងដែរ។
គួរជម្រាបដែរថា ឥណ្ឌានិងចិនបានប៉ះទង្គិចគ្នាលើបញ្ហាព្រំដែនតាំងពីឆ្នាំ ១៩៦២មកម៉្លេះ។ ហើយបើទោះបីជាមានការចរចាគ្នាច្រើនលើកច្រើនសាយ៉ាងណាក្តី ក៏ជម្លោះព្រំដែនដ៏រ៉ាំរ៉ៃនេះ នៅតែបន្តអូសបន្លាយរហូតមកដល់ពេលបច្ចុប្បន្ន៕