ថៃ៖ ដោយសារតែមានសមត្ថភាព ក៏ដូចជាមានការគាំទ្រយ៉ាងខ្លាំងពីសំណាក់ទស្សនិកជន អាចធ្វើឲ្យតារាសម្ដែងប្រុស Golf Pichaya ទទួលបានភាពជោគជ័យនៅក្នុងការងារសិល្បៈ និងអាចរកចំណូលបានយ៉ាងច្រើន រហូតសន្សំបានលុយដែលអាចទិញខុនដូដ៏ប្រណីតមួយ ទុកជាកាដូខួបកំណើតសម្រាប់ខ្លួនឯង ថែមទៀតផង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមិនត្រឹមតែប៉ុណ្ណោះ ខុនដូដ៏ថ្មីស្រឡាងមួយនេះ ក៏ត្រូវបានបណ្ដាអ្នកគាំទ្រជាច្រើន រង់ចាំទស្សនាពីទិដ្ឋភាពនៅខាងក្នុង ខណៈដែលរូបលោក ក៏បានបើកបង្ហាញឲ្យឃើញទាំងស្រុងពីភាពទាក់ទាញនៅក្នុងខុនដូ កាលពីថ្មីៗនេះ ផងដែរ។
ខុនដូរបស់ Golf ត្រូវបានគេដឹងថា មានទីតាំងស្ថិតនៅកណ្ដាលទីក្រុង ដែលមានការរចនាយ៉ាងឆើតឆាយ ទៅតាមក្តីសុបិន្តរបស់លោក។ នៅក្នុងខុនដូនេះផ្ទាល់ គឺមានពីរជាន់មាន និងមានការតុបតែងតាមបែប Homie ដែលវត្ថុធាតុដើមមួយចំនួន ត្រូវបាននាំចូលពីបរទេស ។
ចំពោះ បរិវេណនៅខាងក្នុងតែម្ដង មានការៀបចំ ជាមួយនឹងគ្រឿងប្រើប្រាស់ទំនើបៗ ទាំងតុទូ និងគ្រឿងសង្ហារឹមផ្សេងៗ ដែលធ្វើឲ្យមានភាពលេចធ្លោ និងមានភាពទាក់ទាញទៅដល់ចិត្តអ្នកទស្សនាយ៉ាងខ្លាំង មិនថាកន្លែងទទួលភ្ញៀវ ឬនៅឯផ្ទះបាយនោះទេ។
ជាចុងក្រោយ នៅជាន់ទី ២ ដែលអាចមើលឃើញពីទិដ្ឋភាពនៅកន្លែងទទួលភ្ញៀវយ៉ាងងាយស្រួល ដែលតុបតែងដោយផ្ទាំងកញ្ចក់យ៉ាងស្រស់ស្អាត ហើយក៏មានបន្ទប់គេងយ៉ាងធំទូលាយ និងអាចមើលពីទេសភាពខាងក្រៅជាមួយនឹងកញ្ចក់ធំផងដែរ ដែលអាចនិយាយបានថា នេះគឺជាខុនដូដ៏ប្រណីតមួយ ដែលមានភាពស្រស់ស្អាតល្អឥតខ្ចោះ របស់ Golf មិនចាញ់តារាល្បីដទៃទៀតនោះទេ៕
សូមទស្សនារូបភាពខាងក្រោម៖