Kem ទម្លាយថា លោកពិតជាចង់សម្តែងជាមួយតារាស្រីមួយរូបនេះខ្លាំងជាងគេ ក្នុងចំណោមតារាស្រីៗទាំងអស់

ថៃ៖ កាលពីប៉ុន្មានថ្ងៃមុននេះ តារាប្រុស Kem Hussawee បានផ្តល់បទសម្ភាសន៍ជាមួយអ្នកសារព័ត៌មាននៅក្នុងកម្មវិធីមួយ។

នៅក្នុងកិច្ចសម្ភាសន៍នោះ អ្នកសារព័ត៌មានបានសួរទៅកាន់ Kem ថា តើតារាស្រីរូបណាដែលលោកពេញចិត្ត និងចង់សម្តែងជាមួយខ្លាំងជាងគេ? ភ្លាមៗនោះ Kem ក៏បានឆ្លើយថា សម្រាប់រូបលោកផ្ទាល់ តារាស្រីៗទាំងអស់គឺលោកសុទ្ធតែពេញចិត្តក្នុងការសម្តែងជាមួយទាំងអស់។ ហើយលោកក៏បានបន្ថែមទៀតថា ប៉ុន្តែបើមានរឿងក្រោយៗបានចាប់ដៃគូសម្តែងជាមួយនឹងកញ្ញា Mookda Narinrak គឺរឹតតែអស្ចារ្យ ព្រោះគ្រប់ពេលដែលធ្វើការជាមួយគ្នាអ្វីៗគឺល្អព្រមគ្នាតែម្តង។

មិនតែប៉ុណ្ណោះ Kem និយាយថាបើមានឱកាស លោកចង់ផ្លាស់ប្តូរសម្តែងជាតួអង្គបែបកំប្លែងវិញម្តង ដើម្បីឲ្យកាន់តែប្លែក ហើយលោកក៏មិនធ្លាប់សម្តែងបែបនេះពីមុនមកឡើយ៕

សូមទស្សនារូបភាពខាងក្រោម៖