នារីម្នាក់បើកឡានលឿនដូចហោះ ក្រោមហេតុផលប្រញាប់បន្ទោរប​ង់ ត្រូវប៉ូលីសចាប់ខ្លួន (មានវីដេអូ)

អាមេរិក៖ ពិតជាគួរឲ្យអស់សំណើចណាស់ ដែលនារីអាមេរិកម្នាក់ បានបើករថយន្តលឿនស្លេវដូចហោះនិង ថែមទាំងប្រាប់ប៉ូលីសថា នាងត្រូវការទៅផ្ទះជាបន្ទាន់ដើម្បីដោះទុក្ខសត្វលោក បន្ទាប់ត្រូវបានឃាត់ខ្លួនទុក ដោយសារសមត្តកិច្ចមើលឃើញភាពមិនប្រក្រតី។

ដោយឡែក ហេតុការណ៍នោះបានកើតឡើងប្រហែលជាម៉ោង៩ព្រឹក ដោយមាននារីម្នាក់ឈ្មោះ Emily Sindt Owings អាយុ២៨ឆ្នាំ បានបើករថយន្តឆ្លងកាត់កន្លែងត្រួតពិនិត្យ ភ្លាមៗនោះ ដោយសង្កេតឃើញនាងគ្មានខ្សែរក្រវ៉ាត់ការពារ ប៉ូលីសបានឃាត់រថយន្តនោះទុកភ្លាមៗផងដែរ។

បន្ទាប់ពីការឆែកឆេររបស់ប៉ូលីសមួយសន្ទុះរួចមក ឃើញថានារីម្នាក់នេះគ្មានអ្វីទាំងអស់ ប័ណ្ណសម្គាល់ខ្លួន ប័ណ្ណធានារ៉ាប់រងនិង សូម្បីតែប័ណ្ណបើកបរក៏ត្រូវបានដកហូតផងដែរ ខណៈពេលនោះ ប៉ូលីសក៏បានប្រាប់ថា ត្រូវការឆែកឆេរបន្តទៀតដោយតម្រូវឲ្យអ្នកបើកបរចុះចេញពីរថយន្ត នៅពេលភ្លាមៗនោះ នាងក៏បានយំហ៊ូរនិង បានប្រាប់ប៉ូលីសថា ត្រូវការបត់ជើងធំនិង ថ្ងៃនេះជាខួបកំណើតរបស់ខ្លួនផងដែរ ប៉ុន្តែសំណើរនេះត្រូវបានប៉ូលីសបដិសេធ ដោយទាល់តម្រិះ នារីអាយុ២៨ឆ្នាំរូបនេះ បានបើកបំបុក ទីតាំងនោះភ្លាមៗ រួចហើយក៏បើករត់យកខ្លួន ដោយស្ថិតក្នុងល្បឿន ១១២,៦ គីឡូម៉ែត្រក្នុងមួយម៉ោង ប៉ុន្តែចុងក្រោយត្រូវបានប៉ូលីសហ៊ុមព័ទ្ធបានដដែល។

យ៉ាងណាមិញ ប៉ូលីសបានរកឃើញ បំពង់ជាមួយនឹងគ្រឿងញៀន ផ្សេងៗទៀតផងដែរនៅក្នុងរថយន្តរបស់នាងផងដែរ ចំណែកនារីរូបស្រស់ម្នាក់ក៏បានបញ្ជូនទៅកាន់ពន្ធធនាគារដោយសុវត្ថិភាពផងដែរ៕

សូមចូលមើលរូបភាពនិង វីដេអូខាងក្រោម៖