ថៃ៖ អាចនិយាយបានថា គ្រប់តារាប្រុសស្រី នៅក្នុងរង្វង់សិល្បៈថៃទាំងអស់ នៅពេលដែលមានប្រជាប្រិយភាពកាន់តែល្បី គឺអ្នកគាំទ្រកាន់តែចង់តាមដានពីជីវិតរស់នៅប្រចាំថ្ងៃរបស់ពួកគេ មិនដែលខកខានឡើយ ពិសេសនៅពេលដែលតារាស្រីប្រុសទាំងនោះ មានទំនាក់ទំនងស្នេហ៍ជាមួយនរណាម្នាក់ផ្ទាល់តែម្ដង។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះផងដែរ សម្រាប់ការមានទំនាក់ទំនងស្នេហាជាមួយមនុស្សដែលពួកគេស្រលាញ់ អ្នកខ្លះក៏ហ៊ានបើកចំហរឲ្យអ្នកគាំទ្របានដឹង រីឯតារាមួយចំនួនទៀត ក៏នៅមិនទាន់ហ៊ានចេញមុខចេញមាត់ បង្ហាញចំណងស្នេហ៍ពួកគេជាសាធារណៈនោះឡើយ ដោយពួកគេត្រូវចំណាយពេល មើលចិត្តគ្នារយៈពេលជាយូរសិន ទើបបើកចំហរពេញទី។
ជាក់ស្ដែង ដូចជាកំពូលតារាសម្ដែង និងតារាចម្រៀងទាំងប៉ុន្មានគូខាងក្រោមនេះជាដើម ដោយនាពេលកន្លងមក យើងឃើញថា ពួកគេតែងតែបង្ហាញមុខជាមួយគូស្នេហ៍ជាញឹកញាប់ដែរ តែគ្រាន់តែមិនទាន់បញ្ជាក់ថាត្រូវជាអ្វីនឹងគ្នាឲ្យប្រាកដនោះទេ ទើបតែដើមឆ្នាំ ២០២០ នេះផ្ទាល់តែម្ដង ដែលពួកគេបានបើកចំហរយ៉ាងទូលំទូលាយថាពួកគេជាគូស្នេហ៍នឹងគ្នា។
ដែលតារាទាំងនោះមានដូចខាងក្រោម៖
១.តារាសម្ដែង និងតារាចម្រៀងប្រុស Golf Pichaya
តារារូបនេះបានទាក់ទងគ្នា និងតែងតែបង្ហាញរូបភាពស្និទ្ធស្នាលគ្នាជាយូរដែរមកហើយ ទើបតែមួយរយៈចុងក្រោយនេះ ពួកគេព្រមបង្ហាញចំណងស្នេហ៍ឲ្យហ្វេនៗពេញចិត្តជាច្រើនផងដែរ។
២.តារាចម្រៀងស្រី Violette និងគូស្នេហ៍ Kao Jirayu
អ្នកទាំងពីរនេះ ក៏ទាក់ទងគ្នាយូរឆ្នាំដែរ ទើបតែដើមឆ្នាំនេះប៉ុណ្ណោះ ដែលពួកគេបង្ហាញមុខជាមួយគ្នានៅលើបណ្ដាញសង្គមញឹកញាប់ជាងរាល់ដង។
៣.តារាសម្ដែងស្រី Wawwa និងគូស្នេហ៍
Wawwa និងគូស្នេហ៍ជនបរទេសនេះ ក៏បានទាក់ទងគ្នាយូរដែរហើយ ប៉ុន្តែគេកម្រឃើញនាងបង្ហាញមុខជាមួយគ្នាណាស់ ទើបតែជាងមួយខែមុន ពួកគេបាននាំគ្នាទៅញ៉ាំអាហារជាមួយគ្នាយ៉ាងរ៉ូមែនទិកផងដែរ។
៤.តារាសម្ដែង Mik Thongraya និង Bow Maylada
មួយគូនេះ មហាជនដែលជាអ្នកគាំទ្រ អាចស្មានដឹងតាំងពីដំបូងម្ល៉េះ ព្រោះគ្រប់សកម្មភាពរបស់ពួកគេ ពេលបង្ហាញមុខនៅលើបណ្ដាញសង្គម គឺមានភាពស្និទ្ធស្នាលគ្នាខុសពីធម្មតា ខណៈពួកគេមិនដែលប្រាប់ថាជាសង្សារនឹងគ្នានៅឡើយ តែទើបតែមួយរយៈចុងក្រោយនេះ ពួកគេកាន់តែបញ្ជាក់ឲ្យអ្នកគាំទ្រដឹងយ៉ាងច្បាស់ជាងមុន ថាអ្នកទាំងពីរជាគូស្នេហ៍ដ៏សាកសមបំផុត។
៥.តារាសម្ដែង Ploy Chermarn និងគូស្នេហ៍
កាលពីប៉ុន្មានខែមុន Ploy ក៏ទើបតែបានបង្ហាញពីទំនាក់ទំនងរបស់នាង និងកម្លោះសង្ហាជនបរទេសរូបនេះជាសាធារណៈផងដែរ បន្ទាប់ពីសេពគប់មើលចិត្តគ្នាយ៉ាងយូរ។