ថៃ៖ គូស្នេហ៍តារាសម្ដែងថៃលំដាប់ប្រទេស Mark Prin និង Kimmy Kimberley ជាគូស្នេហ៍មួយគូដែលតែងតែ បង្ហាញសកម្មភាពយ៉ាងស្និទ្ធស្នាល ភាពផ្អែមល្ហែមចំពោះគ្នាទៅវិញទៅមកជានិច្ច។ ជាពិសេស មួយរយៈចុងក្រោយនេះ យើងឃើញថា តារាប្រុស ស្រីមួយគូនេះ ក៏និយមដឹងដៃគ្នាកសាងអានុស្សាវរីយ៍ជាមួយគ្នា ដោយការដើរកម្សាន្តលំហែកាយជាលក្ខណៈគូស្នេហ៍ ផ្ដល់ក្ដីសុខ និងភាពសប្បាយរីករាយគួរឲ្យកត់សម្គាល់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សលើសពីនេះទៅទៀត ស្នេហារបស់ Mark Prin និង Kimmy Kimberley ក៏ត្រូវបានក្រុមគ្រួសារទាំងសងខាងដឹងលឺពីទំនាក់ទំនងមួយនេះផងដែរ ហើយក៏ឃើញគូស្នេហ៍មួយគូនេះ នាំគ្រួសារទាំងសងខាងជួបជុំញ៉ាំអាហារជាមួយគ្នាទៀតផង។ បើគិតពីរយៈពេលនៃការសាងស្នេហារបស់ តារាប្រុសស្រីទាំងពីររូបនេះ មានរយៈពេល ៧ឆ្នាំហើយ តែបើក្រឡេកទៅមើលចំណងស្នេហាវិញ អ្នកទាំងពីរ កាន់តែបង្កើននៅក្ដីស្រលាញ់ចំពោះគ្នាខ្លាំងឡើងៗពីមួយឆ្នាំទៅមួយឆ្នាំ។
ជាក់ស្ដែង មុននេះបន្តិច Mark និង Kimberley បានបង្ហោះរូបអបអរថ្ងៃ Anniversary ៧ឆ្នាំអ្នកទាំងពីរ ហើយបានផុសរូបដូចគ្នា និងបានអោបគ្នាយ៉ាងស្អិតរមួត ព្រមទាំងបង្ហាញនៅស្នាមញញឹមយ៉ាងកក់ក្ដៅថែមទៀតផង។ តែអ្វីដែលយើងសង្កេតឃើញនោះ នៅលើដៃ Mark បានសរសេរលេង ៧តំណាងឲ្យឆ្នាំ នៃការចាប់ផ្ដើមស្នេហាអាស់រយៈពេល ៧ឆ្នាំមកនេះផងដែរ។
ក្នុងនោះដែរ បន្ទាប់ពីទស្សនិកជន និងហ្វេនៗបានឃើញរូបភាពនេះរួច ពួកគេបានបង្ហាញនៅក្ដីរំភើប និងជួយអបអរដល់គូស្នេហ៍មួយគូនេះគ្រប់គ្នា ហើយថែមទាំងចង់ឃើញតារាប្រុស ស្រីមួយគូនេះកាន់ដៃគ្នាចូលរោងការឆាប់ៗទៀតផង៕
សូមទស្សនារូបភាពខាងក្រោម៖