ក្រុមអ្នកវាយប្រហារបានបង្កើតកម្មវិធី Android ដែលមានមេរោគដើម្បីលួចយកលេខកូដមួយនេះពីក្នុងសារ

//s9.kh1.co/26/26df574772d72e9b262d256937a6db75148db17e.jpg
បច្ចេកវិទ្យា

 ២២-កញ្ញា-២០២០ ២ល្ងាច · ៤ ឆ្នាំមុន

វាពុំមែនជារឿងចម្លែកទេដែលក្រុមអ្នកវាយប្រហារបង្កើតកម្មវិធីដែលមានមេរោគ ដើម្បីលួចយកទិន្នន័យពីអ្នកប្រើប្រាស់ ឬដើម្បីតាមដានក្រុមអ្នកប្រឆាំងណាមួយនោះ ប៉ុន្តែនៅពេលថ្មីៗនេះក្រុមហ៊ុនសុវត្ថិភាពបច្ចេកវិទ្យា Check Point បានរកឃើញក្រុមអ្នកវាយប្រហារដែលគេឱ្យឈ្មោះថា Rampant Kitten

វាពុំមែនជារឿងចម្លែកទេដែលក្រុមអ្នកវាយប្រហារបង្កើតកម្មវិធីដែលមានមេរោគ ដើម្បីលួចយកទិន្នន័យពីអ្នកប្រើប្រាស់ ឬដើម្បីតាមដានក្រុមអ្នកប្រឆាំងណាមួយនោះ ប៉ុន្តែនៅពេលថ្មីៗនេះក្រុមហ៊ុនសុវត្ថិភាពបច្ចេកវិទ្យា Check Point បានរកឃើញក្រុមអ្នកវាយប្រហារដែលគេឱ្យឈ្មោះថា Rampant Kitten បានបង្កើតកម្មវិធី Android ដែលមានមេរោគដើម្បីលួចយកលេខកូដ 2FA (Two-factor Authentication) ពីក្នុងសារ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមហ៊ុន Check Point បានឱ្យដឹងថា ទោះបីជាក្រុមអ្នកវាយប្រហារនេះ កាលពីដើមឡើយបានបង្កើតកម្មវិធីមេរោគសម្រាប់តែប្រព័ន្ធប្រតិបត្តិការ Windows ប៉ុន្តែពេលនេះពួកគេបានប្រើវិធីសាស្រ្តដូចគ្នានេះដើម្បីបង្កើតកម្មវិធីមេរោគសម្រាប់ប្រព័ន្ធប្រតិបត្តិការ Android ដែលពួកគេអាចលួចយកបញ្ជីឈ្មោះ សារ ថតសំឡេងតាមរយៈម៉ៃក្រូហ្វូន និងបើកគេហទំព័រដែលមានមេរោគបានផងដែរ។

រូបភាពពីនគរបាលប្រឆាំងបទល្មើសបច្ចេកវិទ្យា 
រូបភាពពីនគរបាលប្រឆាំងបទល្មើសបច្ចេកវិទ្យា 

ក្រុមអ្នកស្រាវជ្រាវបានបញ្ជាក់ផងដែរថា កម្មវិធីមេរោគនេះ នឹងរង់ចាំស្ទាក់យកសារដែលចាប់ផ្ដើមជាមួយអក្សរ "G-" ដែលនេះគឺជាការសម្គាល់ថា ជាសារមានលេខកូដ 2FA ដែលបានផ្ញើមកពីក្រុមហ៊ុន Google ហើយបន្ទាប់មកកម្មវិធីនេះក៏ផ្ញើសារបន្តទៅឱ្យក្រុមអ្នកវាយប្រហារ។ ប៉ុន្តែអ្វីដែលជាការព្រួយបារម្ភកាន់តែខ្លាំងនោះគឺ កម្មវិធីមេរោគនេះអាចថែមទាំងទាញយកសារពីកម្មវិធីទំនាក់ទំនងសង្គមផ្សេងៗទៀតដូចជាកម្មវិធី Telegram ជាដើម។

បច្ចុប្បន្នក្រុមហ៊ុន Check Point បានប្រទះឃើញកម្មវិធីដែលមានផ្ទុកមេរោគនេះក្នុងកម្មវិធីមួយ ដែលបន្លំជាកម្មវិធីសម្រាប់ជួយអ្នកនិយាយភាសា Persian (ភាសាភាគខាងលិចប្រទេសអុីរ៉ង់) ដើម្បីទទួលបានបណ្ណបើកបរនៅក្នុងប្រទេសស៊ុយអែត។ ទោះជាយ៉ាងណាពួកគេក៏បានព្រមានផងដែរថាកម្មវិធីមេរោគនេះអាចមាននៅក្នុងកម្មវិធីផ្សេងៗទៀតផងដែរ៕

Nget Puthea
Puthea (C)

អត្ថបទទាក់ទង

//s9.kh1.co/ef/ef760b0f811b181012cac2058b3a6e5f6a63de52.jpg

ក្រុមហ៊ុន Epson សូមណែនាំ EcoBear ជាទូតសុច្ឆន្ទៈតំណាងឱ្យម៉ាស៊ីនព្រីនម៉ូឌែល EcoTank និងបានត្រៀមខ្លួនជាស្រេចដើម្បីនាំយកបច្ចេកវិទ្យាមិនប៉ះពាល់បរិស្ថានដល់វិស័យអាជីវកម្មកម្ពុជា

 ២១-មីនា-២០២៤ 
 ១ល្ងាច · ៨ ថ្ងៃមុន
រក្សាសិទ្ធិ Mediaload
Powered by Bong I.T Bong I.T