កូរ៉េខាងត្បូង៖ ថ្មីៗនេះ បើយោងតាមប្រភពពី Koreaboo បានឲ្យដឹងថា តារាសម្តែង So Ji-Sub ទើបតែបានបរិច្ចាគទឹកប្រាក់ផ្ទាល់ខ្លួនរបស់លោក ចំនួន ១០០ លានវ៉ុន ដែលស្មើនឹងប្រមាណ ៨៥,៩៤៧ ដុល្លារ ដើម្បីផ្ដល់ជូនទៅកាន់ប្រជាជនកូរ៉េមួយចំនួន ដែលមានវ័យចាស់ជរា គ្មានទីពឹង ឲ្យទទួលបានការទំនុកបម្រុងបានល្អជាងមុនផងដែរ។

ក្នុងនោះទៀតសោត កាលពីថ្ងៃទី ២១ ខែកញ្ញាកន្លងទៅ អង្គការក្រៅរដ្ឋាភិបាលមួយរបស់កូរ៉េខាងត្បូង ដែលមានឈ្មោះថា  GoodNeighbors បានបង្ហាញថាពួកគេបានទទួលជំនួយ ១០០ លានវ៉ុនពី So Ji-Sub ពិតប្រាកដមែន ហើយថវិកាដែលទទួលបានពីការបរិច្ចាគនេះ នឹងត្រូវប្រើសម្រាប់ផ្តល់ជូនអ្នកមានវ័យចំណាស់នូវ សម្ភារប្រើប្រាស់នានា ម្ហូបអាហារ ពិសេសសម្ភារថែរក្សាអនាម័យ ការពារពីជំងឺកូវីដ ១៩ ផ្ទាល់តែម្ដង។

គួររំឮកដែរថា ប៉ុន្មានឆ្នាំកន្លងមកនេះ So Ji-Sub តែងតែមានចិត្តសប្បុរស ដោយបរិច្ចាគលុយផ្ទាល់ខ្លួនធ្វើរឿងគួរឲ្យសរសើរជាច្រើនមកហើយ។ ហើយកាលពីដើមឆ្នាំនេះ គាត់ក៏បានបរិច្ចាគប្រាក់ចំនួន ៣៥០ លានវ៉ុន (ប្រមាណជា ៣០០,៨១៦ ដុល្លារ) ផងដែរ ជូនដល់ GoodNeighbors ដើម្បីជួយដល់ប្រជាជនដែលរងផលប៉ះពាល់ដោយ ជំងឺកូវីដ ១៩ ដែលកំពុងជួបការលំបាកផ្នែកហិរញ្ញវត្ថុថែមទៀតផង៕

So Ji-Sub
So Ji-Sub
So Ji-Sub
So Ji-Sub

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]